સૌ પ્રથમ ઘઉં નો લોટ અને મેંદો એક બાઉલ માં લઇ બધા ડ્રાય ઇન્ગ્રીડિએન્ટ નાખીને મિક્સ કરી ને થોડું થોડું કરીને પાણી નાખતા જય સોફ્ટ કણક બાંધો અને ૧ કલાક માટે સેટ થવા મુકો.

બટર ને મેલ્ટ કરી એમાં લસણ અને કોથમીર નાખી મિક્સ કરી લો.

એક કલાક પછી લોટ માં થોડું તેલ નાખી સરખો કરો હવે આ લોટ ના એક સરખા લુવા પાડો અને આ લુવા ને રોટલી જેવું વણી ને એની એક સાઈડ માં બટર નું મિક્સ લગાવી ને મકાઈ ના દાણા અને કેપસિકમ મૂકી ને એમાં થોડા ડ્રાય હર્બ્સ ભભરાવો અને હવે છીણેલું ચીઝ ભભરાવો.

હવે બીજા ભાગ ને વાળી ને ફોર્ક ની મદદ થી પેક કરો અને વચ્ચેના ભાગે છરી ની મદદ થી કાપા પાડો.
હવે એક કડાઈ માં નીચે માટી મૂકી ને વચ્ચે સ્ટેન્ડ મૂકી ને ઢાંકણું ઢાંકીને ૧૦ મિનિટ પ્રિહિટ કરો.

હવે એક પ્લેટ ને ગ્રીઝ કરી એમાં આ બ્રેડ ને મુકો અને ઉપરથી એક વાર ફરી બટર વાળું મિક્સ લગાવો અને ગરમ કરેલી કડાઈ ના સ્ટેન્ડ પર આ પ્લેટ ગોઠવી દો.

મીડીયમ તાપ પર ૨૦ થી ૨૫ મિનિટ માટે થવા દો નીચેનું પડ સેકાઈ જાય એટલે બ્રેડ ને ફેરવી દો અને બીજી ૫ મિનિટ માટે સેકાવા દો.

બન્ને બાજુ થી ગોલ્ડન કલર ની થઇ જાય એટલે બ્રેડ ને ઉતારી લો અને ફરીથી તૈયાર કરેલું બટર વાળું મિક્સ લગાવો.

કોલ્ડ્રીંક અથવા ચીઝ ડીપ સાથે ગરમ ગરમ સ્ટફડ ગાર્લિક બ્રેડ સર્વ કરો.