સૌ પ્રથમ 3 અલગ અલગ વાટકી લઈ દરેક માં 2 2 ચમચી ચોખા લઈ પાણી થી સરખા ધોઈ લો. હવે 1 વાટકી માં 1 ટી ચમચી લીલો બીજી વાટકીમાં લાલ અને ત્રીજી વાટકી માં યલો કલર નાખી 1 કલાક પલડવા દો. હવે પનીર લઈ તેને મિક્સરમાં પીસી લો. અને લીલા મરચાં અને આદુ ની પેસ્ટ બનાવી લો.

હવે 1 વાસણ માં પનીર લઈ તેમાં 1 ચમચી આદુ મરચાં ની પેસ્ટ અને સ્વાદ મુજબ મીઠુ અને 2 ચમચી કોથમીર નાખીને સરખું મિક્સ કરી લો. એકદમ સોફ્ટ મિશ્રણ તૈયાર થશે. હવે બીજા 1 બાઉલમાં માં ડુંગળી, કેપ્સિકમ, કાજુ, સૂકી દ્રાક્ષ, મીઠું, મરી પાઉડર, ઇલાયચી પાઉડર અને બટર નાખી મિક્સ કરી લો. ચોખા માંથી પાણી નીતારી લો. અને 1 ડીશ માં લઈ લો.

હવે 1 ચમચી પનીર નું મિશ્રણ લઈ તેને થેપી વચ્ચે ડુંગળી કેપ્સિકમ નું મિશ્રણ ભરી ફરી થોડું પનીર નું મિશ્રણ લઈ ગોળા વાળી લો.

હવે ઈડલી કૂકર માં પાણી લઈ ગરમ મૂકો. ત્યાં સુધી બધા ગોળા વળી લો. હવે હથેળી માં થોડું પાણી લઈ, હાથ ભીના કરી 1 ગોળો લઈ તેને કલરફુલ ચોખા માં રગદોળી લો. હવે 1 પ્લેટ માં તેલ લગાવી દો. અને આ રેડી કરેલા ગોળા મૂકી દો. મેં ઈડલી ની પ્લેટ માં મૂક્યા છે તમે કોઈ પણ પ્લેટ માં મૂકી શકો છો પણ થોડા અંતરે મૂકવા કારણ કે આ ગોળા ફુલાશે.

હવે તેને 15 મિનિટ કુક થવા દેવા, બફાવા દેવા. ઉપર ના ચોખા એકદમ સરસ કુક થઈ જશે અને ફ્લાવર થોડા મોટા થશે. ઠંડા થાય પછી જ કાઢવા નહીં તો ભાંગી જશે કારણ કે ખૂબ જ સોફ્ટ હોય છે. તમને ગમતાં કોઈ પણ ડીપ જેમ કે આંબલી ની ચટણી, કેચ અપ, લીલી ચટણી કે માયોનીઝ જોડે સર્વ કરો. આ ખૂબ જ ટેસ્ટી લાગે છે અને પાચન માં ખૂબ જ હલકા છે.