સૌ પ્રથમ પરવળ ની છાલ કાઢી,એક ઊભો ચિરો કરી તેમાંથી બીજ કાઢી લેવા ચિત્ર મા બતાવ્યા મુજબ.શેકેલી શીંગ ને રફલી ક્રશ કરી લેવી.એક ટામેટા ની પ્યુરી બનાવી લેવી.હવે એક પેન મા એક ચમચો તેલ ગરમ કરી તેમાં બેસન,હળદર અને મીઠું નાખી ધીમી આંચ પર બે મિનિટ બ્રાઉન થાય ત્યાં સુધી શેકી લેવું.હવે તેમાં બધા મસાલા નાખી એક મિનિટ બરાબર સાંતળી લેવું.

છેલ્લે ગરમ મસાલો અને કોથમીર નાખી મિક્સ કરી એક પ્લેટ મા આ મસાલો કાઢી લેવો. ઠંડો થવા દેવો.

હવે મસાલા ને હાથે થી બરાબર મસળી ને મિક્સ કરી લેવો જેથી બેસન ના ગઠા હોય તો ભાંગી જાય.આ મસાલા ને ચિરેલા પરવળ માં આ રીતે ભરી દેવો.પછી કૂકર મા 6-7 સિટી વગાડી બાફી લેવા અથવા સ્ટીમ કૂક કરી લેવા.બરાબર ચડી જવા જોવે.એક પેન માં એક ચમચો તેલ ગરમ કરી કૂક કરેલા પરવળ તેમાં એક બે મિનિટ ધીમી આંચ પર ગોલ્ડન બ્રાઉન થાય ત્યાં સુધી સાંતળી લેવા.એક પ્લેટ મા કાઢી લેવા.

તે જ પેન મા ફરી એક ચમચો તેલ ગરમ કરી તેમાં ટામેટા ની પ્યુરી નાખી દેવી.તેમાં મીઠું, લાલ મરચું નાખી સતત હલાવતા રહેવું.તેલ છૂટું પડવા આવે ત્યારે તેમાં એક કપ પાણી નાખવું.તેમાં બે ટેબલસ્પૂન ભરવાનો મસાલો પણ નાખવો.બધું એકરસ થાય અને એક ઉકાળો આવે એટલે તેમાં ભરેલા પરવળ નાખી દેવા.હળવા હાથે મિક્સ કરી સર્વીંગ બાઉલ માં શાક કાઢી લેવું.ગરમ ગરમ ભરેલા પરવળ નું શાક રોટલી અથવા પરાઠા સાથે પીરસવું.