સૌપ્રથમ મકાઇ ને ધોઈ ને તેના દાણા કાઢી લેવું પછી મકાઇ ના દાણા ને કુકર માં લઈ બે વ્હીસલ વગાડી લેવું.

ત્યારબાદ પેનમાં તેલ મુકી તેમાં સમારેલા કાંદા ને મરચા કાપેલા આદુનો ટુકડો તેમ જ લસણની કળી ઉમેરી કાંદા ગુલાબી સંતડાય જાય એટલે કાઢી લેવા પછી તેમાં સમારેલા ટામેટા સાતડવા.સંતડાય જાય એટલે બાઉલમાં કાઢી લેવું.

ત્યારબાદ કાંદા અને ટામેટા ઠંડા પડે એટલે તેની ગ્રેવી કરવી પછી ગેસ પર પેન મુકી તેલ મુકી તેમાં ગ્રેવી ઉમેરી તેમાં હળદર, લાલ મરચું પાઉડર, ધાણા જીરું પાઉડર, ગરમ મસાલો, મીઠું નાખી પા કપ પાણી ઉમેરી તેલ છૂટું પડે ત્યા સુધી સાંતળવું. પછી તેમાં કસુરી મેથી ઉમેરી બરાબર મિક્સ કરવું.પછી તેમા છીણેલુ પનીર ઉમેરવુ.

ત્યારબાદ બરાબર મિક્સ થઈ જાય એટલે તેમાં બાફેલા મકાઇ દાણા ઉમેરી પાંચ થી દસ મિનિટ ઢાંકી ને થવા દેવું.પછી તેમાં પનીર ના નાના પીસ નાખવા. થઈ જાય એટલે ગેસ પરથી ઉતારી લીલા ધાણા નાખી રોટલી પરોઠા સાથે સવ કરવું.