முதலில் தேங்காய் முந்திரி பிஸ்தா ஆகியவற்றை சிறு சிறு துண்டுகளாக நறுக்கி எடுத்துக்கொள்ள வேண்டும். இப்பொழுது கொய்யா இலையை சுத்தம் செய்து மிக்ஸியில் போட்டு சிறிதளவு தண்ணீர் சேர்த்து அரைத்து எடுத்துக்கொள்ள வேண்டும்.

அரைத்து எடுத்த கொய்யா இலையில் இருந்து சாற்றை பிழிந்து எடுக்கவும். ஒரு பாத்திரத்தில் 2 ஸ்பூன் கார்ன் ஃப்ளார் மாவை சேர்த்துக் கொள்ள வேண்டும் அதில் ஒரு கப் தண்ணீர் சேர்த்து நன்றாக கலந்து கொள்ள வேண்டும் அதில் கொய்யா இலை சாறை சேர்த்து கலந்து கொள்ளவும்.

ஒரு பாத்திரத்தில் இரண்டு ஸ்பூன் நெய் சேர்த்து அதில் நறுக்கி வைத்திருக்கும் தேங்காய் முந்திரி பிஸ்தா ஆகியவற்றை சேர்த்து வதக்கவும்.

இப்பொழுது கலந்து வைத்திருக்கும் கொய்யா இலை சாற்றை சேர்த்து அதோடு நாட்டுச்சர்க்கரை சேர்த்து நன்றாக கிளறவும்.

கைவிடாமல் 20 நிமிடம் அல்வா பதத்திற்கு வரும் வரை கிளறவும்.

சுவையான மற்றும் ஆரோக்கியமான கொய்யா இலைச்சாறு அல்வா ரெடி. நன்றி