સૌ પ્રથમ બેઉ લોટ સરખા પ્રમાણ માં માપીને લઈ લઈશું. ત્યારબાદ ખાટા દહીં ની છાસ બનાવી લઈશું. એક વાસણ માં ખાટું દહીં અને પાણી લઈને તેમાં બધા મસાલા મીઠું, લાલ મરચું, હળદર, ધાણાજીરું નાખીને છાસ બનાવી લઈશું. જો તમારી પાસે ખાટું દહીં ના હોય તો તમે તેમાં ચપટી લીંબુ ના ફૂલ ઉમેરી શકો છો ખાટું કરવા માટે.

હવે આ મિશ્રણ ને 1 નોન સ્ટિક વાસણ માં લઈશું અને ગેસ ચાલુ કરીને ઉકળવા મૂકીશું. અને તેમાં જીરુ, લીલું મરચું ઝીણું સમારેલું અને લસણ ઉમેરીશું. 1 ચમચી તેલ, કોથમીર અને ચપટી સોડા ઉમેરીશું. છાસ ઊકળે એટલે તેમાં ઘઉં અને બાજરી નો બેઉ લોટ ઉમેરી દેવાના અને વેલણ થી સતત હલાવવું ધ્યાન રહે કે ગઠ્ઠા ના રહી જાય. ખીચું વાસણ ની કિનાર છોડે એટલે થઈ ગયું અને તરત ગેસ બંધ કરી નીચે ઉતરી લો.

જોડે 1 તપેલીમાં થોડું પાણી મૂકી ઉપર ઢાંકણ ઢાંકી ગરમ કરવા મૂકી દેવું. એક ચારણી લઈ તેને તેલ લગાવી દેવું અને ખીચું સહેજ સીધે એટલે તેમાં પાથરી દેવું. વચ્ચે થોડી જગ્યા કરી લેવી વેલણ થી જેથી વરાળ બધે જાય. અને 10 મિનિટ માટે ઢાંકીને બાફી લેવું.

1 વાટકા માં થોડું તેલ લગાવી ખીચું લઈ સરખું દબાવી 1 પ્લેટ માં વાટકો ઊંધો કરી અનમોલ્ડ કરી લેવું. શીંગ તેલ અને આચાર મસાલા કે લાલ મરચું પાઉડર સાથે સર્વ કરો. તૈયાર છે એકદમ હેલ્થી અને ટેસ્ટી ઘઉં બાજરી ના લોટ નું ખીચું. તેને મેં આમ પન્ના સાથે સર્વ કર્યું છે.