ગાય ના દુધ ને ગરમ કરી ઠંડુ કરી મલાઈ કાઢી લો. હવે એક ઉભરો આવે તેટલું ગરમ કરવું. પછી થોડું થોડું કરી ને વિનેગર અને પાણી નું મિશ્રણ ઉમેરવુ અને દુધ ને જાતે જ ફાટવા દો..

ત્યારબાદ હળવે હાથે હલાવી બધુ જ પનીર છુટુ પડે એટલે મલમલ ના કપડાં માથી ગાળી લો અને તેને તરત જ ઠંડા પાણીથી ધોઇ લો અને બધુંજ પાણી નિતારી લો.

પનીર ને એક મોટા વાસણ મા લઈ હાથેથી ખુબ જ મસડી લો. બધુ જ બરાબર મિક્સ થઈ જવુ જોઈએ. ત્યારબાદ તેમાંથી નાના લુઆ લઈ ખુબ જ મસડી મસડી ને રસમલાઈ વાળી લો.

એક વાસણ મા ખાંડ અને પાણી લઈ ખાંડ ઓગળે તેટલું ગરમ કરી તેમાં બનાવેલ રસ મલાઈ ઉમેરી 10 મિનિટ સુધી પકાવુ. પછી તરત જ ઠંડા બરફના પાણીમાં રસમલાઈ કાઢી લો.

રબડી માટે દૂધ અને મલાઈ ગરમ કરવું. એક ઉભરો આવે ત્યારબાદ ધીમા તાપે ઉકળવા દેવું. સતત હલાવતા રહેવું અને મલાઈ બને એ ઉમેરતું જવુ. ઘટ્ટ થાય ત્યાં સુધી રાખવું.

ત્યારબાદ ખાંડ, ડ્રાયફ્રુટસ નો ભુકો, ઇલાયચી પાઉડર ઉમેરો. ત્યાર બાદ તેમાં બનાવેલ રસ મલાઈ અને રોઝ સીરપ ઉમેરી હળવા હાથે હલાવી 1 મિનિટ થવા દો.

ઠંડૂ થાય એટલે 7-8 કલાક ફ્રીજ માં ઠંડુ કરી સવૅ કરવુ. અહી ખાંડ બાઉલ મા સવૅ કરેલ છે. જે પણ મે જાતે જ બનાવેલ છે.