સૌપ્રથમ બેસન ના ગટ્ટા બનાવવા માટે બેસન માં બધાં જ મસાલા ઉમેરીને ગરમ પાણી વડે લોટ બાંધી લો. લોટમાંથી તિરાડ વિના ના ગટ્ટા લાંબા વાળી લો અને ઉકળતા પાણીમાં નાખી દો.જ્યારે ગટ્ટા પર દાણાં ઉપસેલા દેખાય ત્યારે ગેસ બંધ કરી દો.

ગ્રેવી માટે મોળું દહીં લો. તેમાં બધાં જ મસાલા ઉમેરીને બરાબર મિક્ષ કરી લો.

કડાઈમાં ઘી ગરમ કરી વઘાર કરી લો. લસણ ઉમેરીને બ્રાઉન થાય ત્યાં સુધી સાંતળો ત્યારબાદ તેમાં ડુંગળી સાંતળો ત્યારબાદ તેમાં મસાલા વાળુ દહીં નાખી મિક્સ કરી લો.

દહીં થોડીવાર રંધાઈ જાય એટલે તેમાં ગટ્ટા ના નાનાં ટુકડા કરી લો અને ગટ્ટા ને જે પાણી માં બાફેલ તે પાણી સાથે જ ગ્રેવી માં ઉમેરી મિક્સ કરી લો.

જ્યારે ઘી સબ્જી ની ઉપર તરે ત્યારે ગેસ બંધ કરી દો. કોથમીર થી ગાર્નિશ કરીને સર્વ કરો.