பாசுமதி அரிசியை கழுவி அரை டம்ளர் தண்ணீரில் ஊற வைக்கவும் தேவையான காய்கறிகளை கழுவி சுத்தம் செய்து நறுக்கி வைத்துக் கொள்ளவும் புதினா மற்றும் கொத்தமல்லியை மிக்ஸியில் அரைத்து வைத்துக் கொள்ளவும்

குக்கர் அல்லது பிரஷர் பேனில் அடுப்பில் வைத்து 2 குழிக்கரண்டி அளவு நல்லெண்ணெய் ஒரு ஸ்பூன் நெய் விட்டு பிரியாணி இலை அன்னாசிப்பூ கல்பாசி பூ சோம்பு கசகசா கிராம்பு மற்றும் பட்டை ஆகியவற்றை ஒன்றன்பின் ஒன்றாக சேர்க்கவும். பின்பு நறுக்கிய காய்கறிகளை ஒன்றன் பின் ஒன்றாக சேர்க்கவும். அதனுடன் இஞ்சி பூண்டு பேஸ்ட் ஒரு ஸ்பூன் சேர்த்து கிளறவும்.

காய்கறிகள் வதங்கியவுடன் புதினா கொத்தமல்லி அரைத்த விழுது சேர்க்கவும். மஞ்சத்தூள் மிளகாய்த்தூள் ஆகியவற்றையும் சேர்த்து வதக்கவும். பின்பு ஊற வைத்த பாசுமதி அரிசியை அதில் சேர்த்து நன்றாக கிளறவும்.

3 முதல் 5 நிமிடங்கள் வரை அரிசியை வதக்கி பின்பு தேவையான அளவு தூள் உப்பு சேர்த்து ஒன்றரை கப் தண்ணீர் ஊற்றி குக்கரை மூடி விடவும். குறைந்த தீயில் வேக வைக்கவும். பத்து நிமிடத்திற்குள் ஒரு விசில் வந்துவிடும்.

ஒரு விசில் போதுமானது. குக்கரை அடுப்பிலிருந்து இறக்கி ஆவி அடங்கியதும் திறந்து நறுக்கிய கொத்தமல்லி இலைகளையும் குடை மிளகாயையும் தூபி ஒரு கிளறு கிளறி 5 நிமிடம் மூடி வைக்கவும்.

அதன் பின் குக்கரை திறந்து ரெடியான பிரியாணியை பரிமாறும் பாத்திரத்திற்கு மாற்றி அலங்கரித்து பரிமாறவும்.