સૌ પ્રથમ કુકરમાં ૩ વાટકી મગ લઈને 3 સીટી કરીને બાફી લેવા. ત્યારબાદ લીલુ લસણ, લીલા મરચાં અને આદુ સાફ કરીને કટકા કરીને પેસ્ટ તૈયાર કરવી.

લીલી ડુંગળી અને ટામેટાં ઝીણા ઝીણા સમારી લેવા અને નીચે બનાવ્યા પ્રમાણે બધી વસ્તુઓ તૈયાર કરી લેવી.

હવે 1 લીટર ખાટી છાશ લો. તેમાં બે ચમચી બેસન નો લોટ ઉમેરો.એક ચમચી લીલી કોથમીર ઉમેરો. 1 ચમચી ગરમ મસાલો ઉમેરો.

આ ત્રણેય વસ્તુ ને એક મિનિટ સુધી બ્લેન્ડર થી બ્લેન્ડ કરી લો. હવે એક મોટી તપેલી લો.તેમાં તેલ ગરમ કરવા માટે મૂકો. તેલ ગરમ થઇ જાય એટલે તેમાં રાઈ ઉમેરો.

રાઈ ફૂટે એટલે જીરું ઉમેરો. જીરુ બ્રાઉન કલરનું થાય પછી હિંગ ઉમેરો. પછી તો જ લવિંગ અને બાદીયા ના ટુકડા ઉમેરો.

પછી મીઠા લીમડાના પાન ઉમેરો. આટલો વઘાર પાકી જાય.પછી, આદુ-મરચા-લસણની પેસ્ટ ઉમેરો.તેને 1 મિનીટ સુધી સાંતળો.પછી લીલી ડુંગળી ઉમેરો તેને 3 મિનીટ સુધી સાંતળો.

ડુંગળી સંતળાઈ જાય પછી તેમાં ટામેટાં ઉમેરો.તેને હલાવી નાખો પછી તેમાં સ્વાદ અનુસાર મીઠું ઉમેરો. આ બધા મિશ્રણને 5 મિનિટ સુધી ઢાકણ ઢાંકી ને ચડવા દો.

5 મિનીટ પછી ઢાંકણ ખોલીને બધા મસાલા કરી લો.તેમાં હળદર અને લાલ મરચું પાઉડર ઉમેરો.

ધાણાજીરું પાઉડર અને ગરમ મસાલો પણ ઉમેરી દો. એક મિનિટ સુધી ચઢવા દો. હવે તેમાં આપણે ખાટી છાશ ને બેસન થી દોહી હતી તે ઉમેરી દો. આ બધા મિશ્રણને 5 મિનિટ સુધી ઉકળવા દો. વચ્ચે-વચ્ચે હલાવતા રહેવું.

કઢી થોડીક ઉકળી જાય પછી તેમાં મગ ઉમેરી દો. હવે તેને 10 મિનિટ સુધી ઉકળવા દો.પછી ગેસ બંધ કરીને ઉપરથી ને લીલી કોથમીર ઉમેરી દો. તૈયાર છે આપણા બેસન વાળા ખાટા મગ નુ શાક. જે સૌને ભાવે છે અને ખાવામાં પણ ખૂબ જ હેલ્ધી છે.

હવે તેને એક સર્વિંગ બાઉલમાં કાઢીને સર્વ કરો.