સૌપ્રથમ એક પેનમાં તેલ ગરમ કરો તેમાં જીરું, હીંગ, તજ, તમાલપત્ર, આદુ મરચાં અને લસણ ઉમેરો.

હવે તેમાં સમારેલી ડુંગળી ઉમેરો અને ગોલ્ડન કલર ની થાય ત્યાં સુધી સાંતળો. હવે તેમાં ટામેટા, કાજુ અને પલાળેલા કાશ્મીરી મરચાં ઉમેરો.

હવે તેમાં ૧કપ જેટલુ પાણી ઉમેરી ને બરાબર સાંતળો. પેન ને ઢાંકી ને ૧૦ મીનીટ સુધી કૂક થવા દો.

હવે ગેસ બંધ કરી દો અને આ મિશ્રણને બરાબર ઠંડુ થવા દો. ઠંડુ થાય એટલે તેને મિક્સર જાર માં લઇ ને તેની પ્યુરી બનાવી લો.

હવે એક પેનમાં તેલ અને બટર લો. ગરમ થાય એટલે તેમાં તૈયાર કરેલી ગ્રેવી ઉમેરો અને તેમા મરચું હળદર ધાણાજીરું ગરમ મસાલો અને મીઠું નાખી ને બરાબર મિક્સ કરી લો.

હવે તેમાં જરૂર મુજબ પાણી નાખી ને તેલ છૂટું પડે ત્યાં સુધી કૂક થવા દો.તેલ છૂટું પડે એટલે તેમાં અડધુ પનીર છીણીને અને અડધુ ટુકડા કરી ને ઉમેરો. બરાબર મિક્સ કરી ને કૂક થવા દો.

હવે તેમાં ઝીણી સમારેલી કોથમીર ઉમેરીને ૨ મીનીટ પછી ગેસ બંધ કરી દો.સબ્જી ને ફ્રેશ ક્રીમ થી ગાર્નિશ કરો.