એક વાસણમાં છીણેલું કોબીજ લો. અને એમાં સ્વાદ પ્રમાણે મીઠું નાખી મિક્સ કરી લો અને લીલી ડુંગળી, કેપ્સિકમ, ગાજર, આદું અને લસણ ઉમેરી મિક્સ કરી લો. અને એમાં ગ્રીન ચીલી સોસ, રેડ ચીલી સોસ, મિક્સ કરી લો.

હવે એમાં કોનૅફ્લોર, અને જરૂર પ્રમાણે મેંદો ઉમેરીને ઢીલો લોટ બાંધી લેવો.

હવે આ લોટના ગોળ ગોળ બોલ્સ વાળી લો. અને તળવા માટે તેલ ગરમ કરવા મૂકો

તેલ ગરમ થાય ત્યારે તેમાં મંન્ચૂરિયન બોલ્સ તળવા માટે ઉમેરો ત્યારે ગેસ ની ફ્લેમ ધીમી રાખવી અને ત્યારબાદ મિડિયમ કરવી. અને ગોલ્ડન બ્રાઉન થાય ત્યાં સુધી તળવા. તો હવે મંન્ચૂરિયન તળાઈ ગ્યા. એક પ્લેટ માં મુકીશુ.

હવે એક કડાઈમાં 4 મોટા ચમચા તેલ ગરમ કરવા માટે મુકવું. તેમાં ઝીણી સમારેલી ડુંગળી ઉમેરો, ઝીણું સમારેલું કેપ્સિકમ, 1 બાઉલ લીલું લસણ, 1 બાઉલ લીલી ડુંગળી, 1 મોટો બાઉલ ક્રશ કરેલું કોબીજ ઉમેરો અને મિક્સ કરી લો. સાતળી લો.

હવે એમાં 2 ચમચી રેડ ચીલી સોસ, 2 ચમચી ગ્રીન ચીલી સોસ, 2 ચમચી સોયા સોસ, 1 ચમચી કેચપ, 1 ચમચી વિનેગર,½ ગ્લાસ પાણી, ઉમેરી કુક થવા દો. અને એક બાઉલમાં 2 ચમચી કોનૅફ્લોર લો અને ઠોડુ પાણી ઉમેરીને સ્લરી બનાવી ને ઉમેરો અને ફ્રાય કરેલા મંન્ચૂરિયન બોલ્સ ઉમેરીને બધું જ બરાબર મિક્ષ કરી લો.

તો ખૂબ જ ટેસ્ટી મંન્ચૂરિયન રેડી છે. ઉપર થોડી સમારેલી લીલી ડુંગળી ઉમેરીને પ્લેટ માં સર્વ કરી લો.