સૂરણ ને છોલીને છીણીને ધોઈ ને ચારણીમાં નિતારી કાઢવું, કાંદા અને ફુદીના ને ધોઈ ને સમારીને તૈયાર કરવા, એક મોટા વાડકામાં ૨ ચમચા તેલ ગરમ કરી સૂરણ ને નિચોવી નાખવુ, સૂરણ ના ભાગ નુ મીઠું નાખીને સૂરણ ચઢે ત્યાં સુધી થવા દેવુ, સૂરણ ને વધુ નહી ચઢાવવું, છુટ્ટું રહે તેવું રાખવું.સૂરણ ચઢી જાય એટલે તેને મોટી કઠોકમાં કાઢી ઠંડુ કરવા બાજુમાં રાખવુ. હવે એજ વાડકામાં બે ચમચા તેલ ગરમ થાય એટલે તેમા હળદર, આદુ, લસણ અને મરચાં ની પેસ્ટ નાખી સાતળવું,(તીખાશ જરૂર મુજબ નાખી શકાય)

પછી તેમા કાંદા નાખી પાંચ મિનિટ સાંતળવા, કાંદા સતળાય એટલે તેમા ગરમ મસાલો, મીઠું નાખી મિકસ કરવુ.

તૈયાર કરેલા કાંદાને સૂરણ વાલી કઠોકમા બાજુમાં ખાલી કરી દેવા અને તેને પણ ઠંડુ થવા દેવુ, ફુદીનો પણ બાજુમાં રાખવો, બધુ ઠંડુ પડે એટલે મિકસ કરી દેવુ. સમોસા નુ સ્ટફીંગ તૈયાર છે.

સમોસા ની પટ્ટી લઈ બધા સમોસા ભરીને તૈયાર કરી ગરમ તેલમાં ગોલ્ડન બ્રાઉન તળી લેવા,

સમોસાને કોથમીર ની ચટણી, લીંબુ અને કેચપ સાથે સર્વ કરવા.