સૌપ્રથમ લોટમાં જીરુ,મીઠું, ઘી નું મોણ નાખી લોટ બાંધી લો.(રોટલી કરતા કઠણ અને ભાખરી કરતાં નરમ) લોટને ઢાંકીને ૧૦ થી ૧૫ મિનિટ રહેવા દો.(ઘઉંનો કરકરો લોટ ના હોય તો રવો એડ કરી શકાય.)

હવે લોટમાંથી એકસરખા ત્રણ ભાગ કરી લો. તેની જાડી ભાખરી જેવી રોટી વણી તૈયાર કરો. રોટી ના પાછળના ભાગમાં ચાકુના આચ્છા આચ્છા કાપા કરો.

કાપા કરેલા ભાગ નીચેની તરફ રાખી ઉપરની તરફ મનગમતી ડિઝાઇન કરવી. અહીં મેં બે રીતે ડિઝાઈન બનાવી છે. એક હાથેથી ચપટી લઈને અને બીજી ચીપિયા ની મદદથી ડિઝાઇન બનાવી છે.

રોટી ને શેકવા માટે પેન ગરમ થાય એટલે slow flame ઉપર ડિઝાઇન વાળો રોટી નો ભાગ ઉપર રહે તે રીતે શેકવી. બીજી બાજુ પણ ધીમા તાપે રોટલી અને શેકવી.એક રોટલી ને શેકાતા ૧૦ થી ૧૨ મિનીટ લાગે છે. (હવે સાઈડમાં થોડી કાચી લાગે તો ચીપિયા ની મદદથી ડાયરેક્ટ ગેસ પર ધીમા તાપે શેકી શકાય.)

બધી રોટી શેકાય જાય પછી તેના પર ઘી લગાવી પંચરત્ન દાળ અથવા કોઈપણ રસાવાળી સબ્જી સાથે સર્વ કરો.