સૌ પ્રથમ દૂધને ગરમ કરીને ઠંડુ પડવા દેવું. થોડું વોર્મ જેવું ગરમ હોય ત્યારે દહીંને ફેંટીને દૂધ માં ભેળવી દહીં બનાવવા મૂકી દેવું. દહીં બનતા 4-5 કલાક થાય. પછી તેને એક પાતળા અથવા જીણા મલમલ નાં કપડામાં લઈને તેનું બધું પાણી કાઢી લેવું. હવે તેનાં પર વજન રાખીને ફ્રીઝ માં મૂકી દેવું. જેથી બધું દહીંનું પાણી પણ નીકળી જાય, અને ગરમી નાં કારણે દહીં ખાટું પણ નાં થાય.

બારે કાઢીને તમે જોશો કે દહીં નો સરસ મસ્કો તૈયાર થઇ ગયો છે.

હવે તેને એક પ્લેટ માં કાઢી લેશું. અને ચમચી ની મદદ થી તેને દબાવીને લીસ્સી પેસ્ટ કરશું. સાથે તેમાં દળેલી ખાંડ પણ ઉમેરતા જાશું.

બધી ખાંડ બરાબર મિક્સ થઇ જાય એટલે તેને બારીક ચારણી માં રાખી, ચમચી થી દબાવીને ચારણી માંથી ચાળીને કાઢશું.સરસ એકદમ લીસ્સો મઠો નીકળશે.

હવે નીકળેલ મઠ્ઠા માં દૂધ માં પલાળેલું કેસર, જીણા ટુકડાં માં કપાયેલાં ડ્રાયફ્રૂટ્સ, થોડાં ડ્રાયફ્રૂટ્સ ઉપરથી ભભરાવવા માટે અલગ થી રાખશું. અને ઈલાયચી પાઉડર મિક્સ કરીશું. અને ઉપરથી ડ્રાયફ્રૂટ્સ નાં ટુકડાં ભભરાવશું.

હવે તેને એકદમ સારી રીતે સેટ થવા માટે ફ્રીઝ માં રાખીશું. અહીં આપણે આખીરાત પણ ફ્રીઝ માં રાખી શકીયે. એકદમ ઠંડુગાર થાય, એટલે બારે કાઢી ખાવા નો આનંદ માણીયે. ગરમી માં ઠંડો ઠંડો મઠો નાનાં -મોટા બધાનેજ ગમશે.