உருளைக்கிழங்கு(ஆலு) போண்டா செய்ய தேவையான அனைத்துப் பொருட்களையும் தயார் செய்துக் கொள்ளவும்.

ஒரு பாத்திரத்தில் தேவையான அளவு தண்ணீர் ஊற்றிக்கொள்ளவும்.அதில் உருளைக்கிழங்கை இரண்டாக வெட்டிப் போடவும்.தேவையான அளவு உப்பு தூள் போட்டு சிறிது நேரம் கொதிக்க வைத்து வேக வைக்கவும்...

வெந்த உருளைக்கிழங்கை தோல் நீக்கிக் கொள்ளவும்.1டீஸ்பூன் மஞ்சள் தூள்,1டீஸ்பூன் சீரகம் தூள்,1டீஸ்பூன் கொத்தமல்லித்தூள்,1டீஸ்பூன் கரம் மசாலா தூள்,1/2டீஸ்பூன் மிளகாய் தூள்,1டீஸ்பூன் இஞ்சி பூண்டு விழுது,தேவையான அளவு உப்பு தூள்&கொத்தமல்லித்தழை போட்டு மசித்து பிசைந்துக் கொள்ளவும்.

250கிராம் கடலை மாவு,125கிராம் அரிசி மாவு,தேவையான அளவு தண்ணீர்&உப்பு தூள்,1/4டீஸ்பூன் பெருங்காயம் தூள் போட்டு கெட்டியான பதத்தில் மாவு-ஐ கரைத்துக் கொள்ளவும்.

மசித்த உருளைக்கிழங்கை கொஞ்சமாக எடுத்து உள்ளங்கையில் வைத்து சிறிய உருண்டையாக உருட்டி கரைத்த மாவில் ஒவ்வொன்றாக போட்டு நனைத்துக் கொள்ளவும்.

ஒரு வாணலியில் தேவையான அளவு பாமாயில் எண்ணெய் ஊற்றிக் கொள்ளவும்.எண்ணெய் சூடான பிறகு மாவில் நனைத்த உருளைக்கிழங்கு உருண்டையை சூடான எண்ணெயில் போடவும்.

ஒரு பக்கம் வெந்த பிறகு மறுபக்கம் திருப்பி போட்டு வறுத்து எடுக்கவும்...