மேற்கூறிய தேவையான அனைத்து பொருட்களையும் எடுத்துக் கொள்ளவும். மிளகாய் உங்கள் காரத்திற்கேற்ப கூடவோ குறைத்தோ எடுத்துக் கொள்ளலாம். உப்பும் அதேபோல் தங்கள் விருப்பத்திற்கு ஏற்ப.

ஒரு வாணலியில் ஒரு ஸ்பூன் எண்ணெய் விட்டு இரண்டு டம்ளர் உளுத்தம்பருப்பை சிவக்க வறுத்துக்கொள்ளவும். ஒரு ஒரு டம்ளராக வறுத்துக்கொள்ளவும் விரைவில் சிவந்து கொள்ளும். ஒரு தட்டில் கொட்டி கொள்ளவும். இதேபோல் கடலைப்பருப்பையும் கொஞ்சம் எண்ணெய் சேர்த்து.நன்கு சிவக்க வறுத்துக்கொள்ளவும். அதன் பிறகு எள் சிவந்து வெடிக்கும் அளவிற்கு எண்ணெய் சேர்க்காமல் வறுத்துக்கொள்ளவும். பொட்டுக் கடலையில் எண்ணெய் சேர்க்காமல் வறுத்து கொள்ளவும். கொள்ளும் எண்ணெய் சேர்க்காமல் வறுத்து கொள்ளவும். உப்பு சூடேற வைத்துக் கொள்ளவும்.

வரமிளகாயை கொஞ்சம் எண்ணெய் சேர்த்து வாசம் வர நெடி வர சிவக்க வறுக்கவும். மேற்கூறிய எல்லா பொருட்களையும் தனித்தனியாக ஆற வைத்துக் கொள்ளவும். முதலில் ஆறிய உளுத்தம் பருப்பு கடலைப் பருப்பு பொட்டுக்கடலை கொள்ளு உப்பு இவைகளை மிக்ஸியில் சிறிது கரகரப்பாக அரைத்துக் கொள்ளவும். ஒரு தனி பாத்திரத்தில் கொட்டி கொள்ளவும்.பிறகு வரமிளகாயை சிறிய மிக்ஸி ஜாரில் சேர்த்து நைஸாக அரைத்துக் கொள்ளவும். பிறகு எள்ளு மிக்ஸி ஜாரில் சேர்த்து அரைத்துக் கொள்ளவும். ரொம்ப அரைத்தால் எண்ணெய் பிரிந்து வரும். அதனால் பார்த்து எள்ளு அரைத்க.

இவை அனைத்தையும் ஒரு வாணலியில் போட்டு ஒரு கரண்டி கொண்டு நன்றாக கலக்கி கொள்ளவும்.மீண்டும் ஒருமுறை மிக்ஸியில் இந்த கலவையை ஓட விடவும். அப்படியே கலந்தால் நல்ல கலர் வராது. அனைத்து பொடிகளையும் கலந்து விட்டு மீண்டும் ஒருமுறை மிக்ஸியில் அரைத்தால் கலர் சிவக்க வரும். மூன்றாவது படத்தில் வித்தியாசம் காட்டி உள்ளேன். இது டிப்ஸ்.

இப்போது இரண்டாவது முறை அழைத்த இட்லி பொடியை மீண்டும் ஒருமுறை நன்கு கலந்து கொள்ளவும் உப்பு பார்த்து தேவை என்றால் இரண்டாவது முறை அழைக்கும் பொழுது சேர்த்து அரைத்துக் கொள்ளவும்.சுவையான, புரதம் சத்துக்கள் நிறைந்த உளுத்தம்பருப்பு, கடலைப்பருப்பு, பொட்டுக்கடலை, எள்ளு கொள்ளு அனைத்தும் கொண்டு அரைத்த ஆரோக்கியமான இட்லி பொடி தயார்.