સૌપ્રથમ પાલકની ભાજીને ધોઈ ને ઝીણી સમારી લો. દહીં અને ગોળ ભેગા કરી નવશેકા ગરમ કરો એટલે ગોળ ઓગળી જશે પછી ચણાના લોટમાં ખીરા માટેની બધી સામગ્રી ઉમેરી તેમાં થોડું પાણી ઉમેરી ખીરું તૈયાર કરી લો.

ધોઈને નિતારી પાલક તેમાં ઉમેરો

હવે સ્ટીમરમાં ગ્રીસ કરેલી થાળી માં ખીરુ પાથરીને અઢારથી વીસ મિનિટ માટે તેને બાફી લો.

હવે પાતરા ઠંડા પડે એટલે ફોટા માં બતાવ્યા પ્રમાણે તેના કાપા કરી ને ટુકડા કરી લો જેથી ચોપડીને બનાવ્યા હોય તે રીતે જ સરસ પડવાળા દેખાય.

એક કડાઇમાં તેલનો વઘાર મૂકી તેમાં રાઈ ઉમેરો. રાઈ તતડે એટલે તેમાં હિંગ, તલ, મીઠો લીમડો, લીલા મરચા, લાલ મરચું પાવડર કાચી કેરીનું છીણ ઉમેરી એક ચમચો પાણી ઉમેરો પાણી તતડવા લાગે એટલે તેમાં બાફીને ટુકડા કરેલા પાતરા ઉમેરો.

તૈયાર પાત્રા ને સર્વિંગ ડીશમાં લઈ ને ઉપરથી ઝીણી સમારેલી કોથમીર, કોપરાનું છીણ અને લીંબુ મૂકીને સર્વ કરો.