பாத்திரத்தில் இட்லி அரிசி சேர்த்து நன்றாகக் கழுவி 3 மணி நேரம் ஊற வைத்துக் கொள்ளவும்.

பிறகு மற்றொரு பாத்திரத்தில் கடலை பருப்பு, துவரம் பருப்பு, பாசிப் பருப்பு, உளுந்து, வெந்தயம் ஆகியவற்றை சேர்த்து நன்றாகக் கழுவி 3 மணி நேரம் ஊற வைத்துக் கொள்ளவும். (அரிசி மற்றும் பருப்பு வகைகளை ஒன்றாக ஊறவைத்து அரைத்தால் மாவு கொழகொழவென்று இருக்கும்.)

பிறகு அதில் காரத்திற்கு ஏற்ப காய்ந்த மிளகாய் பூண்டு சேர்த்து ஊற வைத்துக் கொள்ளவும்.

அரிசி நன்றாக ஊறியதும் அதை மிக்ஸியில் சேர்த்து கரகரப்பாக அரைத்துக் கொள்ளவும். பிறகு பருப்புகளை சேர்த்து கரகரப்பாக அரைத்துக் கொள்ளவும்.

மாவு நன்றாக புளித்ததும் அதில் மஞ்சள் தூள்,பெருங்காயத் தூள்,(கண்டிப்பாக பெருங்காயத்தூள் சேர்த்துக் கொள்ளவேண்டும் பருப்பு வகைகள் சேர்த்து இருப்பதினால் செரிமானத்திற்கு மிகவும் உதவும்) தேவையான உப்பு சேர்த்து தண்ணீர் விட்டு கரைத்து வைத்துக் கொள்ளவும்.

தோசைக் கல் சூடானதும் சிறிதளவு மாவை கரண்டியில் எடுத்து மெல்லியதாக ஊற்றி மிதமான தீயில் வைத்து பொன்னிறமாகும் வரை திருப்பிப் போட்டு வேக வைத்துக் கொள்ளவும். (அதிக பருப்பு வகைகள் சேர்த்து இருப்பதினால் நன்றாக வேக வைத்து எடுக்கவும்) நெய் சேர்த்துக் கொண்டால் கமகம வாசனையுடன் அடை தோசை கூடுதல் சுவையாக இருக்கும்.