ஒரு அடி கனமான பெரிய பாத்திரத்தில் தண்ணீரை சேர்த்து கொதிக்கவிடவும். இதுல பச்சை மிளகாயை அரைத்து சேர்க்கவும் கூடவே தேவையான அளவு கல்லுப்பு சேர்க்கவும்.

பச்சரிசியுடன் ஜவ்வரிசியை சேர்த்து நைசாக அரைக்கவும்.
அரைத்த இந்த கலவையை கொதிக்கும் தண்ணீரில் கொஞ்சம் கொஞ்சமாக சேர்த்து கைவிடாமல் கிளறிக் கொண்டே இருக்கவும். இதில் 2 மேஜைக்கரண்டி வெள்ளை எள் சேர்த்துக் கொள்ளவும்.

கூல் நன்றாக வெந்து வந்தவுடன் அடுப்பை அணைக்கவும். நடுவில் தேவைப்பட்டால் சுடு தண்ணீரை சேர்த்து கூழ் காய்ச்சிக் கொள்ளவும். தோராயமாக 15லிருந்து 20 நிமிடங்கள் ஆகலாம் போல் காய்ச்சுவதற்கு.

இந்த கலவையை சிறிய கிண்ணத்திற்கு மாற்றிக்கொள்ள வேண்டும். இதில் சீரகம் சேர்த்துக் கொள்ளவும்.

இதனை நல்ல காட்டன் துணியில் சிறு கரண்டியைக் கொண்டு வட்டங்களாக ஊற்றிக் கொள்ளவும். நன்றாக வெயிலில் காய வைக்கவும்.

நன்றாக காய்ந்தபின் கையால் எடுத்தாள் அழகாக வந்து விடும். மீண்டும் ஒரு நாள் தட்டில் பரப்பி நல்ல வெயிலில் காய வைக்கவும்.

தயாரான வடகத்தை காற்றுப்புகாத டப்பாவில் வைத்து மூடி வைக்கவும். தேவைப்படும் பொழுது பொரித்துக் கொள்ளவும்.