வெஜ் பிரியாணி(veg biryani recipe in tamil)
குக்பேட் ஆப்பில் திறக்கவும்சமையல் குறிப்புகள்
- 1
முதலில், தேவையான பொருட்களை எடுத்துக் கொள்ள வேண்டும்.
- 2
அரிசியை 30 நிமிடங்கள் ஊறவைத்து வடிகட்டவும்.
- 3
டபிள் பீன்ஸ் ஐ 5 மணி நேரம் ஊற வைத்து எடுக்கவும்.
- 4
அடி கனமான பாத்திரத்தில் நெய் மற்றும் எண்ணெய் சேர்த்து தாளிக்க கொடுக்கப்பட்ட பொருட்களை சேர்த்து தாளித்து, நறுக்கிய வெங்காயம்,மிளகாய் மற்றும் உப்பு சேர்த்து நன்றாக வதக்கவும். வெங்காயம் வதங்கியதும், தக்காளி சேர்த்து மசிய வதக்கவும்.
- 5
பின் இஞ்சி பூண்டு விழுது சேர்த்து, பச்சை வாசம் போனதும், மிளகாய்த்தூள், மல்லித்தூள், பிரியாணி மசாலா தூள் சேர்த்து 2 நிமிடங்களுக்கு கிளறவும்.
- 6
பின் தயிர் சேர்த்து கிளறி, பின்னர் மல்லி புதினா அரைத்த விழுது சேர்த்துக் கிளறவும்.
- 7
பிறகு வெட்டி வைத்த காய்கறிகள் சேர்க்கவும்.
- 8
காய்கறிகள் நம் விருப்பத்திற்கேற்ப கூட்டி குறைத்து சேர்க்கலாம்.
- 9
1கப் பாசுமதி/சீரக சம்பா/சாப்பாடு புழுங்கல் அரிசிக்கு 2 கப் அளவு தண்ணீர் சேர்க்க(வெஜிட்டபிள் தம் பிரியாணிக்கு) வேண்டும். எனவே, அரிசியின் அளவிற்கு இன்னோரு மடங்கு தண்ணீர் சேர்த்து மீடியும் தீயில் 15 நிமிடங்கள் நன்றாக காய்கறிகளை வேக வைக்கவும்.தண்ணீர் கொதித்ததும் உப்பு,காரம் சரிபார்த்து சேர்க்கவும்.
- 10
காய்கறிகள் முக்கால் பதம் வெந்ததும், ஊற வைத்து வடிகட்டிய அரிசி சேர்க்கவும். அரிசி சேர்த்து கொதித்ததும் உப்பு சரிபார்த்து ஒரு பெரிய எலுமிச்சம் பழச்சாறு மற்றும் சிறிதளவு புதினா இலைகள் சேர்த்து கலந்து விடவும்.
- 11
சரியாக 8-10 நிமிடத்தில் அரிசி வெந்து விடும். அரிசி உடையாமல் கிளறவும். அரிசியும் தண்ணீரும் சமமாக இருக்கும் பொழுது, அதாவது நடுவில் தோண்டிப் பார்த்தால் கிரேவி தண்ணீர் இருக்கக்கூடாது.
- 12
இந்த சமயத்தில், தோசைக்கல்லை அடுப்பில் வைத்து அதன் மேல் பிரியாணி பாத்திரத்தை வைத்து அதன் மேல் கனமான பொருள் வைத்து 20 நிமிடங்கள் சிறு தீயில் தம் போடவும்.
- 13
பின் 20 நிமிடங்கள் கழித்து திறந்து பார்த்தால்,பிரியாணி நன்றாக உதிரியாக இருக்கும்.
Keywords
Similar Recipes
More Recipes
கமெண்ட்