સૌપ્રથમ બાસમતી ચોખા ને ત્રણ થી ચાર વાર પાણીથી ધોઈને પાણીમાં પલાળી રાખવા. કાંદા અને બટાકાને સમારી લેવા.

એક પોટ માં તેલ અને ઘી ઉમેરી ગરમ થાય એટલે તેમાં બધા આખા મસાલા ઉમેરવા, ત્યારબાદ તેમાં રાઈ અને જીરું ઉમેરવું. રાઈ ફૂટે એટલે તેમાં હિંગ, આદુ-મરચાં અને લસણની પેસ્ટ ઉમેરીને બરાબર હલાવી લેવું અને અડધી મિનિટ માટે સાંતળવું. ત્યારબાદ તેમાં કાંદા ઉમેરીને હલકા ગુલાબી રંગના થાય ત્યાં સુધી સાંતળવા.

હવે તેમાં બટાકા, હળદર, લાલ મરચું, ધાણાજીરું, ગરમ મસાલો અને મીઠું ઉમેરીને બરાબર હલાવી લેવું. હવે તેમાં પાણી નિતારી લઈને બાસમતી ચોખા ઉમેરવા. ભાત માં પાણી ઉમેરીને મીડીયમ તાપ પર પકાવવું. પાણી ઉકાળવા માંડે એટલે ગેસ એકદમ ધીરો કરીને ઢાંકીને પકાવવું. આ ભાત આ જ રીતે પ્રેશર કુકરમાં પણ ત્રણ વ્હિસલ વગાડીને બનાવી શકાય.