ટામેટાં ને પાણી વડે સાફ કરી ટૂકડા કરી લો. આદું, મરચા અને લસણ ને પણ જીણા સમારી લો. હવે એક લોયા માં ઘી ગરમ કરવા મૂકો. પછી જીરું, આદું, મરચા, લસણ નાખી સાંતળી લો.

હવે ટામેટાં નાખી દો. પછી મીઠું અને સંચર પાઉડર નાખી 10 મિનિટ થવા દો. ટામેટાં એકરસ થાય એટલે મરચું પાઉડર, ધાણાજીરું, હળદર, ચાટ મસાલો અને જલજીરા નાખી મિક્સ કરી લો. પછી બાફેલું બટેટું ક્રશ કરી નાખી દો અને થોડું પાણી નાખી 5 મિનિટ થવા દો. હવે લીંબુ નો રસ અને ગરમ મસાલો નાખી ગેસ બંધ કરી દો.

ચાસણી માટે એક તપેલી માં ખાંડ, પાણી અને જીરું નાખી એક ઉભરો આવે ત્યાં સુધી થવા દો.

હવે એક બાઉલમાં ટોમેટો વાળું મિશ્રણ નાખો. ત્યાર બાદ ચાસણી, ઘી, જીરું, જીરું પાઉડર, ચાટ મસાલો, જલજીરા, કોથમીર અને સેવ નાખી સર્વ કરો.