கடாயில் 3 டேபிள்ஸ்பூன் கடலை எண்ணெய் விட்டு காய்ந்ததும் பட்டை கிராம்பு, நட்சத்திர பூ, ஏலக்காய் சேர்த்து தாளிக்கவும். பிறகு நீளமாக இரண்டாகக் கீறிய பச்சை மிளகாய் சேர்த்து நன்கு வதக்கி விடவும்

இப்போது பொடியாக நறுக்கிய பெரிய வெங்காயத்தை சேர்த்து நன்கு வதக்கவும். பொடியாக அறிந்த கேரட், பீன்ஸ், உருளைக்கிழங்கு, மற்றும் பச்சை பட்டாணி சேர்த்து மிதமான தீயிலேயே 2 நிமிடம் வதக்கவும்

இப்போது இஞ்சி பூண்டு விழுது 1 டேபிள் ஸ்பூன் சேர்த்து நன்கு கலந்து விட்டு பிறகு மஞ்சள்தூள், சீரகத்தூள், கரம் மசாலாத்தூள், மிளகாய்த்தூள் சேர்க்கவும்

மசாலாக்களின் பச்சை வாடை போக மிதமான தீயிலேயே 2 நிமிடம் நன்கு வதக்கி விடவும். இப்போது பொடியாக அரிந்த தக்காளியை சேர்த்து மீண்டும் நன்கு வதக்கி விடவும்.

ஒரு கப் அளவு தண்ணீர் சேர்த்து காய்கறி வேகும் அளவிற்கு உப்பு சேர்த்து தட்டு கொண்டு மூடி 10 நிமிடங்கள் குறைந்த தணலில் வேக விடவும்

இப்போது திறந்து பார்க்கும் பொழுது காய் நன்கு வெந்து இருக்கும். இப்போது அரை கப் அளவு தேங்காய் துருவலை மிக்ஸி ஜாரில் சேர்த்து அதனுடன் 1tspசோம்பு, 1tblspn பொட்டுக்கடலை, 6 to 8முந்திரி பருப்பு சேர்த்து சிறிது தண்ணீர் சேர்த்து நன்கு நைஸாக அரைத்து காயுடன் சேர்க்கவும்.

இப்போது தேங்காய் விழுதுடன் மீண்டும் அரை கப் அளவு தண்ணீர் சேர்த்து அடுப்பை அதிக தணலில் வைத்து, கிரேவிக்கு தேவையான அளவு உப்பு சேர்த்து மீண்டும் 5 நிமிடம் அடுப்பில் வைக்கவும். 5 நிமிடத்திற்குப் பிறகு இறுதியாக கொத்தமல்லி தழை தூவி அடுப்பை அணைக்கவும்.