➡️ પૂર્વ તૈયારી :
🔸️રાજમાને ૬ કલાક માટે પાણીમાં પલાળવા.
🔸️1 ટીસ્પૂન પાણીમાં કેસરના તાંતણા પલાળી રાખવા.
🔸️ખડા મસાલા શેકી અને મસાલો તૈયાર કરી લેવો.
➡️ છ કલાક બાદ કુકરમાં બે કપ પાણી ઉકળવા મૂકો તેમાં ૧/૨ ટીસ્પૂન મીઠું નાખો. પાણી ઉકળે એટલે તેમાં રાજમા નાખો. કુકર બંધ કરી છ સીટી વગાડો. હવે કુકર ઠંડુ થાય ત્યાં સુધી લસણ, મરચાં, આદુ, ધાણાની પેસ્ટ બનાવી લો. આ પેસ્ટને ગરણીમાં મૂકી, દબાવી બધું જ પાણી નિતારી લેવું.

ડુંગળીની પેસ્ટ પણ બનાવી લો. આ પેસ્ટને ગળણીમાં મૂકી બધું જ પાણી નિતારી લેવું.

હવે સામગ્રીમાં દર્શાવ્યા પ્રમાણેના તમામ ખડા મસાલા લઈ એક નોનસ્ટિક પેનમાં ગેસની સ્લો ફ્લેમ પર સરસ ફ્લેવર આવે ત્યાં સુધી શેકી લો. ઠંડા પડે એટલે તેને ક્રશ કરી, ચાળી મસાલો તૈયાર કરો.

હવે ઠંડા પડેલા રાજમાં તથા કાજુ મિક્સરમાં સ્મૂધ પીસી લો. એક બાઉલમાં લઈ લો. તેમાં ચણાનો લોટ, ડુંગળીની પેસ્ટ,આદુ-મરચા-લસણ- ધાણાની પેસ્ટ, તૈયાર કરેલ સૂકો મસાલો એડ કરી મિક્સ કરો. હવે તેમાં બટર,ધાણાજીરુ તથા લાલ મરચાં પાઉડર એડ કરો. કેસરવાળું પાણી, રોઝ વોટર, કેવડા વોટર એડ કરો.

હવે ફરીથી બધું સરસ રીતે મિક્સ કરી લેવું અને તેના કબાબ બનાવી લેવા. અહીં મેં સ્ટીકમાં કબાબ બનાવ્યા છે.

હવે એક નોન સ્ટિક તવો ગેસ ઉપર ગરમ કરવા મુકો. મીડીયમ ફ્લેમ રાખી ઘી થી ગ્રીસ કરી તેની ઉપર કબાબ મૂકો. કબાબની બંને બાજુ ઘી લગાવવું અને હવે સ્લો ફ્લેમ પર સેલો ફ્રાય કરવા.