Pelar o cabaciño e cortar lonchas co pelapatacas. Meter no lekué (ou recipiente tapado con plástico de cociña) engadir unhas areas de sal e un chorriño de AOVE e meter no micro a 900 1 minuto, remexer e meter outro minuto (os tempos variarán dependendo do forno e do recipiente)

Pochar o porro cunha ou dúas culleradas de aceite e cando estea transparente engadir os cogumelos e o cabaciño que sobrou, cortado todo en cubiños

Cando estea case cociñado (10 minutos) engadir as espinacas e cociñar tapado a lume baixo 3/5 minutos e salgar (non salgar antes, que senon solta moito líquido)

Cortar ao medio os tomatiños e engadilos

Apretar o tofu, con coidado para quitarlle a maior parte do líquido, e desmenuzar

Engadir á mezcla e deixar cociñar a lume medio, destapado, ata que evapore o líquido

Colocar tres ou catro lonchas de cabaciño formando unha base e botar enriba a mistura de vexetais

Enrolar facendo un roliño.
NOTA: podemos engadirlle cubiños de xamón serrano previamente salteados para os omnívoros

E colocar nunha fonte para forno na que anteriormente puxemos unhas culleradas de salsa de tomate

Cubrir os roliños con queixo raiado (vegano ou non) e meter ao forno, prequentado, dez minutos e gratinar