કાબુલી ચણા ને ૪ થી ૫ કલાક પહેલા નવશેકા પાણીમાં પલાળી રાખો. હવે એક કુકરમાં પલાળી રાખેલા કાબુલી ચણા નાખો. પછી તેમાં થોડું મીઠું, તમાલપત્ર, તજ, લવિંગ અને મરી ઉમેરી ઢાંકણ ઢાંકી ૪ સીટી કરો.

હવે એક પેનમાં તેલ અને બટર ગરમ કરી તેમાં ડુંગળી ની પેસ્ટ ઉમેરી ચડવા દો પછી તેમાં આદુ લસણની પેસ્ટ ઉમેરો. પછી તેમાં ટામેટા ની પ્યુરી ઉમેરી ચડવા દો. પછી તેમાં મીઠું, મરચું પાવડર, ધાણાજીરૂ પાવડર, હળદર પાવડર, જીરું પાવડર ખાંડ, છોલે મસાલો નાખીને ચડવા દો. પછી તેમાં બાફેલા છોલે (બાફેલા છોલે નાખવા પહેલા બધા ખડા મસાલા કાધી શકો છો) મિક્સ કરો. પછી તેને કોથમીર થી ગાર્નિશ કરો.