ກຽມນ້ຳສຳລັບຮຸ່ມດູກຂ້າງ. ໃສ່ເກືອ, ນ້ຳມັນຫອຍ, ຊີອິວຂາວ, ພິກໄທ, ຊອດໝາກເລັ່ນ ແລະ ນ້ຳດື່ມ. ຄົນໃຫ້ເຂົ້າກັນ.

ຕັ້ງເຕົານ້ຳມັນສຳລັບຈືນດູກຂ້າງໝູ. ຈືນດູກຂ້າງດ້ວຍໄຟແຮງ. ພໍແຕ່ຊີ້ນປ່ຽນສີເປັນສີນ້ຳຕານອ່ອນກໍໃຫ້ເອົາອອກຈາກເຕົາ ເພື່ອສະເດັດນ້ຳມັນ.

ຈືນກະລັອດໃນນ້ຳມັນດ້ວຍໄຟແຮງ. ສັງເກດເບິ່ງຂອບຂອງກະລັອດ ຖ້າເລີ້ມປ່ຽນສີກໍໃຫ້ເອົາຂຶ້ນສະເດັດນ້ຳມັນ.

ຕັ້ງເຕົາແລະຂາງໝໍ້ສຳລັບຮຸ່ມດູກຂ້າງ. ໃສ່ນ້ຳມັນນ້ອຍນຶ່ງ. ພໍໝໍ້ຮ້ອນຈິ່ງໃສ່ຫົວຜັກບົ່ວໃຫຍ່. ຂົ້ວຈົນໄດ້ກິ່ນຫອມ ແລະ ສີຂອງຫົວຜັກເລີ້ມປ່ຽນ.

ເອົາດູກຂ້າງທີ່ຈືນແລ້ວລົງ.

ຈາກນັ້ນໃສ່ນ້ຳສຳລັບຮຸ່ມດູກຂ້າງທີ່ໄດ້ກຽມໄວ້ລົງໃສ່ໝໍ້.

ເມື່ອສັງເກດເຫັນວ່າຊີ້ນເລີ້ມອ່ອນແລ້ວ ໃຫ້ໃສ່ກະລັອດຈືນລົງໄປ. ປະໄວ້ປະມານ 15-20ນາທີ.

ປະສົມແປ້ງສາລີກັບນ້ຳດື່ມ.

ເມື່ອກະລັອດອ່ອນແລ້ວ ເອົາແປ້ງທີ່ປະສົມນ້ຳແລ້ວລົງ. ຄົນຈົນແປ້ງສຸກ ຈຶ່ງມອດເຕົາ.

ແລ້ວລະເດີ້. ຂໍໃຫ້ກິນເຂົ້າແຊບໆເດີ້.