सर्वात प्रथम आपण पीठ मळून घेऊ. त्यासाठी आपण एका बाउल मध्ये मैदा, मीठ,बेसन पीठ,ओवा, हळद पावडर,घालून मिक्स करून घेऊ. नंतर त्यात गरम तेलाचे मोहन घालून छान पैकी एकत्र करून घेऊ. नंतर थोडे थोडे पाणी घालून आपण पीठ मळून घेऊ. मळलेले पिठ आपण दहा पंधरा मिनिटांसाठी रेस्ट करायला ठेवु.

आता मसाला बनवण्यासाठी, आपण सगळे मसाले एकेक करून धने, जिरे,तीळ, बडीसोप आणि किसलेले खोबरे सुके भाजून घेऊ.आणि थंड होण्यासाठी ठेवू.

सगळे मसाले मिक्सर च्या पॉटमध्ये घालूया. नंतर त्यात गरम मसाला, लाल मिरची पावडर, मीठ,आणि साखर घालून मिक्सरमधून फिरवून घेऊ. तयार आहे आपला बाकरवडी मसाला.

आता आपण पिठाचा गोळा घेऊन पोळी सारखे लाटून घेऊ. नंतर त्यावर गुळ चिंचेची चटणी पसरवून घेऊ. आता त्यावर आपण बनवलेला बाकरवडी चा मसाला लावून घेऊ. नंतर त्यावर बारीक शेव बसवून घेऊ आणि लाटण्याने लाटून घेऊ.

आता आपण त्याच्या कडेला पाणी लावून नंतर हाताने थोडेसे दाबून घेऊन त्याचा रोल बनवून घेऊ नंतर त्या रोलचे दोन सेंटीमीटर प्रमाणे कापून घेऊ.

आता कापलेल्या भाखरवडी ला हलक्या हाताने दाबून करून घेऊ. म्हणजे त्या सुटणार नाहीत. आता कढाई मध्ये तेल गरम करण्यासाठी ठेवू.तेल तापले की गॅस मंद आचेवर करून ह्या बाकरवड्या तेलामध्ये मस्त छान खरपूस तळून घेऊ.

चविष्ट, खुसखुशीत आणि खमंग अशीही बाकरवडी खायला खूप मस्त लागते. थोडी वेगळी चव हवी असल्यास,त्यामध्ये लाल मिरची ऐवजी तुम्ही हिरवी मिरची लसणाची चटणी सुद्धा घालू शकता.आणि थोडे शेंगदाण्याचा कूट पण घालून बनवू शकता.खूप छान चव येते.