મેંદો લઈ તેમાં મીઠું અને દહીં નાખીને લોટ બાંધો. ત્યારબાદ તેને પાંચથી સાત કલાક માટે મુકી રાખો.

બાસમતી ચોખાને પલાળી અને ઓસાવી લેવા. ત્યારબાદ તેમાં ઘી અને જીરાનો વઘાર રેડી મીઠું નાખી મિક્સ કરો. તૈયાર છે જીરા રાઈસ

દાલ ફ્રાય માટે દાળને થોડી વાર પલાળી અને બાફી લેવી. ત્યાર બાદ એક ચમચી તેલનો વઘાર મૂકી તેમાં જીરુ ડુંગળી ટામેટા આદુ-મરચા-લસણની પેસ્ટ અને બધા સુકા મસાલા નાખી તેને હલાવો. ત્યારબાદ તેમાં બાફેલી દાળ નાખી મીઠું નાખી થોડી વાર ઉકાળી કોથમીર નાખી દેવી. તૈયાર છે દાલ ફ્રાય

મટર પનીર માટે ડુંગળી ટામેટાની પેસ્ટ કરી લેવી. ત્યારબાદ તેલ મૂકી તેમાં પનીર તળી લેવું. વટાણાને પાણીમાં ઉકાળી લેવા. હવે તેલ મૂકી તેમાં ગ્રેવી નાખી અને બધા સુકા મસાલા નાખવા. ત્યારબાદ તેલ છૂટે એટલે તેમાં પનીર અને વટાણા નાખી દેવા. મીઠું અને કસુરી મેથી નાખવી. બે ચમચી મલાઈ નાંખવી. કોથમીર નાખી પીરસવું.

નાનો લોટ થોડો મસળી તેની નાન વણી ને તવી માં શેકી લેવું. બટર કે ઘી ચોપડી પીરસવું.