ફણસી ગાજર ફ્લાવર અને વટાણા થોડું મીઠું નાખી વરાળે બાફી લેવા. કેપ્સીકમ, મશરૂમ, બેબી કોર્ન, ડુંગળી બ્રોકોલી અને પનીર સમારી લેવું.

ગ્રીન અને રેડ કરી માટે ની સામગ્રી ને મિક્સર માં ક્રશ કરી લેવી.

થાઈ કોર્ન કેક માટે બાફેલા બટેકા માં ક્રશ કરેલી મકાઈ, થાઈ રેડ કરી, બ્રેડ કરંબસ બેઝિલ અને સફેદ તલ નાખી મિક્સ કરી પેટીસ વાળી શેકી લેવી.

નૂડલ્સ ને બાફી લેવા. પેન માં થોડું તેલ મૂકી તેમાં લસણ ડુંગળી કોબી અને કેપ્સીકમ નાખી શેકવું. ત્યારબાદ તેમાં રેડ પેસ્ટ નાખી થોડું શેકવું.

ત્યારબાદ તેમાં મીઠું નૂડલ્સ અને કોકોનટ મિલ્ક નાખી લીલી ડુંગળી નાખી સરખું મિક્સ કરી લો. નૂડલ્સ તૈયાર છે.

પેન માં થોડું તેલ મૂકી તેમાં લસણ ડુંગળી કોબી અને કેપ્સીકમ નાખી શેકવું. ત્યારબાદ તેમાં ગ્રીન પેસ્ટ નાખી થોડું શેકવું. ત્યારબાદ તેમાં મીઠું રાઈસ અને કોકોનટ મિલ્ક નાખી લીલી ડુંગળી નાખી સરખું મિક્સ કરી લો. રાઈસ તૈયાર છે.

પેન માં તેલ મૂકી પનીર નાખી મીઠું અને રેડ કરી નાખી શેકવું. પેન માં થોડું તેલ મૂકી લસણ નાખી કેપ્સીકમ, મશરૂમ, બેબી કોર્ન, ડુંગળી બ્રોકોલી નાખી મીઠું ઓરેગાનો ચીલી ફ્લેક્સ અને બેઝીલ નાખી સોતે કરવું.

તવા ને થોડી વાર ગરમ કરી કોબી નાં પાન ગોઠવી બધી સામગ્રી વારાફરથી ગોઠવી લેવું. ત્યારબાદ બટર અને પાણી નાં મિશ્રણ ચમચી થી બધી બાજુ એ રેડવું જેથી સ્મોક થશે. અને સીઝલર ગરમ ગરમ સર્વ કરવું.