साखर आणि पाणी घालून साखरेचा पाक करायला ठेवला.त्यात केशरी रंग घातला.उकळी येऊन थोडा चीकटसर झाला की पाक तयार झाला. एकतारी पाक करण्याची गरज नाही. गॅस बंद केला.

पीठ भिजवण्यासाठी मैदा तूप घालून चोळून घेतला त्यात इनो चे एक पॅकेट घालून नीट मिक्स केले.हळूहळू पाणी घालत पीठ भिजवले.

तयार पीठ प्लास्टिक बॅग मध्ये भरून तिला टोकाशी कात्रीने कापून बारीक छिद्र केले.

पसरट कढईत तेल तापल्यावर त्यात एका वेळी ३-४ जीलेब्या पाडून छान तळून घेतल्या.गॅस ची आच मध्यम ठेवली.

तळून झालेल्या जिलब्या लगेच गरम गरम पाकात बुडवून ठेवल्या.पुढच्या जिलब्या तळून होईपर्यंत म्हणजे साधारण २-३ मिनीटे आधीच्या जिलब्या पाकात मुरू दिल्या.नंतर पाक निथळून बाजूला काढून ठेवल्या.

सगळ्या जिलब्या तळून आणि पाकात मुरून झाल्यावर त्यावर केशराच्या काड्या आणि बदामाचे स्लाइस घालून सजवल्या.