સૌપ્રથમ દાળ ચોખા ને ધોઈ એક કલાક પહેલા પલાળીને રાખી મૂકવા. ત્યાર બાદ એક માટી ના વાસણમાં ઘી ઉમેરી તેમાં રાઈ નો વઘાર મૂકી રાઈ ફૂટે એટલે જીરું,હિંગ, લસણ,આદુ મરચાં,સીંગદાણા,બધા જ ખડા મસાલા, કડી પત્તા નાખી ધીમા તાપે હલાવવું. છેલ્લે કાજુ દ્રાક્ષ ઉમેરી અડધી મિનિટ ઘી મા બરાબર શેકવા દેવા.વધારે ના શેકવા નહિ તો કાજુ દ્રાક્ષ જલ્દી શેકાઈ ને બળી જસે.

હવે બટાકા ડુંગળી કેપ્સીકમ વટાણા બધું શાક નાખી તેમાં મરચું હળદર ધાણાજીરું ગરમ મસાલો મીઠુ ઉમેરી મસાલો શાકમાં મિક્ષ કરી પાંચ મિનિટ સુધી ઢાંકી ધીમા તાપે શેકવા દેવું. શાકમાંથી થોડું ઘી છુટું પડશે (નીકળશે) અને સુગંધ પણ સરસ આવે ત્યારે પલાળેલા ચોખા અને તુવેર દાળ શાક માં ઉમેરી તેમાં માં દોઢ ગ્લાસ પાણી નાખી હલાવવું.(પાણી વધારે ઓછું ચોખાની ક્વોલિટી અને ચોખાનવા છે કે જુના તેના પર આધાર રાખે છે)

હવે શાહી મટકા ખીચડી પર ઢાંકણ ઢાંકી મધ્યમ તાપે શાહી મટકા ખીચડીને 15 મિનિટ સુધી સીજવા દેવી. વચ્ચે 2 કે 3 વાર ઢાંકણું ખોલી ખીચડી હલાવી દેવી. એક ચમચીથી ખીચડીના બેત્રણ દાણા કાઢી દાણો દબાવી ચેક કરી લેવું.જો દાણો દબાવતા તરત તૂટી જાય તો ખીચડી બનીને તૈયાર છે એ સમજી જવું.

બનીને તૈયાર થયેલી શાહી મટકા ખીચડીને પ્લેટમાં કાઢી કોથમીર થી ગાર્નિશ કરવી.ખીચડી ને છાશ,દહી, પાપડ વગેરે સાથે પીરસી શકાય.મેં ખીચડી ને એકલી જ પીરસી છે કારણ કે આ ખીચડી દહીં છાશ કે બીજી કોઈ વસ્તુ વિના પણ ખાવાથી ખૂબ જ ટેસ્ટી લાગે છે અને ખીચડી એટલી ટેસ્ટી બને છે કે આ ખીચડી બનાવવા નું અને ખાવાનું મન વારંવાર થાય છે.