સૌપ્રથમ અડદનો લોટ કેવી રીતે બનાવવો તે જણાવું
અડદની દાળને પાણી થી ધોઈ નિતારી તરતજ કોરા કાપડ પર સુકવી લો
કાપડ નીચે છાપું રાખવું જેથી તરતજ પાણી શોષી લે
સુકાય જાય એટલે એક મિનિટ માટે સેકી લેવી.
એક્દુમ ઠંડી થઇ જાય પછી તેને મીક્ષીમાં કરકરી દળી લેવી
લોટ કણીદાર રહે તેવો જ દળવો.
આ લોટ બધામાં વાપરી શકાય છે.

એક તપેલીમાં અડદનો લોટ લેવો
તેમાં ડુંગળી,મરચા,કોથમીર,આદુ,જીરું,લીમડાના પાન ઉમેરવા
તેમાં બે ચમચા મોળું દહીં અથવા મલાઈ ઉમેરવા
સ્વાદમુજબ મીઠું ઉમેરવું.જરુરમુજબ પાણી નાખી ખીરું તૈય્યાર કરવું
લચકા પડતું ખીરું બનાવવાનું છે,ઢીલું નહીં કરી નાખવાનું.
૩૦ મિનિટ માટે ઢાંકીને રાખી દેવું.

જયારે વડા બનાવવા હોય ત્યારે જ ખાવાના સોડા ઉમેરવા
સોડા નાખી એક્દુમ ફીની લેવું
ખીરું હળવું થઇ જાય ત્યાં સુધી ફીણવું.

એક કઢાઈમાં તેલ ગરમ મૂકવું
તેલ ગરમ થઇ જાય એટલે ગેસ ધીમો કરી લેવો
પાણીવાળી હથેળી કરી તેમાં ખીરામાંથી એક ચમચો ખીરું લેવું
બીજો હાથ પણ ભીનો જ રાખવો
હથેળીમાં થેપી વડાનો આકાર આપવો
ભીની આંગળી વડે વચ્ચે કાણું પાડવુ
ધીમેથી તેલમાં તળવા માટે મૂકવું.