ஒரு அகன்ற வாய் கொண்ட பாத்திரத்தை அடுப்பில் வைத்து எண்ணெய் சேர்க்கவும், எண்ணெய் காய்ந்ததும் நீளவாக்கில் நறுக்கிய பெரிய வெங்காயம், பச்சைமிளகாய் மற்றும் புதினா இலைகளை சேர்த்து வதக்கவும்.

2 நிமிடத்தில் வெங்காயம் வதங்கியபின் 100 கிராம் கொத்துக்கறி அல்லது மட்டனை மிக்ஸியில் ஒரு சுற்று சுற்றி எடுத்து சேர்க்கவும். மட்டன் சிறிதுநேரம் வதங்கியபின் இஞ்சி பூண்டு விழுது சேர்த்து வதக்கவும்.

இஞ்சி பூண்டு விழுது வதங்கிய பின் மிளகாய்த்தூள் மல்லித் தூள் மற்றும் கரம் மசாலா சேர்க்கவும்.

அதன் பின் நறுக்கிய தக்காளி சேர்த்து சிறிது உப்பு சேர்த்து வதக்கவும் சிறிது நேரம் மூடி வைத்து வதக்கவும். இவ்வாறு செய்வதனால் தக்காளி விரைவில் வேகும்.

தக்காளி வதங்கும் நேரத்தில் எடுத்து வைத்துள்ள சேமியாவை பாக்கெட்டுடன் சேர்த்து கைகளால் அமுத்தினாள் சேமியா ஒன்றுபோல உடைந்து இருக்கும். அதன்பின் 3 கப் தண்ணீர் சேர்க்கவும். தேவையான அளவு உப்பு சேர்க்கவும்.

மூடி போட்டு தண்ணீரை கொதிக்க விடவும். தண்ணீர் கொதித்தவுடன் சேமியாவை சேர்க்கவும்.

சேமியாவை நன்கு கிளறி விடவும் கூடவே அரை எலுமிச்சை சாறு சேர்க்கவும். எலுமிச்சை சாறு சேர்ப்பதனால் சேமியா உதிரி உதிரியாக வரும். இறுதியில் நெய் சேர்த்து 4 நிமிடங்கள் குறைவான தீயில் தம்முக்கு விடவும். அவ்வளவுதான் நெய் மணத்தோடு கமகமவென சேமியா கீமா பிரியாணி தயார்.