பிரட் துண்டுகளின் ஓரங்களை வெட்டி சிறு துண்டுகளாக வெட்டிக் கொள்ளவும்... பிறகு கடாயில் 2 டேபிள்ஸ்பூன் நெய் ஊற்றி நெய் சூடானதும் வெட்டிவைத்த பிரட் துண்டுகளை அதில் சேர்த்து மிதமான தீயில் 2 நிமிடம் வறுக்கவும்... நெய் அனைத்தையும் உறிஞ்சி வறுபட்டயுடன் அதில் தண்ணீர் சேர்த்து குறைந்த தீயில் கிளறவும்

பிரட் துண்டுகளை தண்ணீரை முழுவதும் உறிஞ்சிய பிறகு மெதுவாக மசித்து விடவும் பிறகு இதில் பால் சேர்த்து பால் வற்றும் வரை மிதமான தீயில் வைக்கவும் அவ்வப்போது கிளறிக் கொள்ளவும்

பால் வற்றிய பிறகு கண்டன்ஸ்டு மில்க், சர்க்கரை சேர்த்து சர்க்கரை கரையும் வரை நன்றாக கிளறிக் கொள்ளவும் பிறகு ஏலக்காய்த்தூள் சேர்த்துக் கிளறவும்

இப்போது பிரட் அல்வா சுருண்டு வரும் போது நெய் விட ஆரம்பிக்கவும் முதலில் ஒரு டேபிள் ஸ்பூன் அளவு சேர்த்து நன்றாக கிளறிக் கொள்ளவும் இதில் கலர் பவுடர் சேர்த்து 2 நிமிடம் குறைந்த தீயில் கிளறவும் இறுதியாக ஒரு டேபிள்ஸ்பூன் நெய் சேர்த்து கைவிடாமல் கிளறிக் கொண்டே இருக்கவும்

பிரட் அல்வாக்கள் சுருண்டு, அனைத்து நெய்யும் வெளிவர ஆரம்பிக்கும் சமயங்களில் நறுக்கிய பாதாம் முந்திரி சேர்த்து ஒரு நிமிடம் கைவிடாமல் நன்றாக கிளறவும் 😋

அட்டகாசமான பிரெட் அல்வா தயார் 🤩 பரிமாறும்போது நறுக்கிய பாதாம், பிஸ்தா தூவி பரிமாறவும்