એક કડાઈમાં સાકર અને ખમણેલું નાળિયેર મિક્સ કરી, ધીમા તાપે, સાકર ઓગળે ત્યાં સુધી સાંતળો.

મિશ્રણ ગોળી વળે એવું થાય ત્યારે કેસર, એલચી, જાયફળ ઉમેરી બરાબર મિકસ કરી ગેસ બંધ કરી ઠંડુ થવા દો.

એક બાઉલ માં મેંદો, ઘી અને મીઠું લઈ બરાબર મિક્સ કરી લો. હવે પાણી થી મુલાયમ લોટ બાંધી લો.

10 લુવા પાડી પૂરી વણી લો. હવે પૂરી ની વચમાં સ્ટફિંગ મૂકી બંને સાઈડ ચોંટાડી કિનારી વાળી લો.

એક કડાઈમાં તેલ ગરમ કરવા મૂકો. ગરમ તેલ મા ધીમા તાપે બદામી રંગના ઘુઘરા તળી લો.

ઘુઘરા સર્વ કરવા માટે તૈયાર છે. ઠંડા થાય પછી એક એર ટાઈટ કન્ટેનર માં 4-5 દિવસ રાખી શકાય.