સૌ પ્રથમ મરચાં ને તેના ડીંટીયા સહિત જ ધોઈ ને કોરા કરી લો. પછી આ બધા મરચાં માં વચ્ચે થી ઉભો કાપો મૂકી તૈયાર કરી લો.

હવે રાઈના કુરિયા અને મેથી ના કુરિયા ને મિક્સર જાર માં અધકચરા વાટી લો. જેથી ખાવા ના ટાઈમે કુરિયા નો અતિ ટેસ્ટ ના આવે અને આ કુરિયા મરચાં માં બરાબર મિક્સ થઈ જાય.

હવે આ અડધા ક્રશ કરેલા રાઈના કુરિયા અને મેથી નાં કુરિયા મરચાં માં ઉમેરો. તે પછી આમાં નમક, હિંગ, હળદર પાઉડર અને તેલ (તેલ ને ધુમાડો નીકળે એટલું ગરમ કરી ને ઠંડુ કરી ને ઉમેરવું) ઉમેરી હાથેથી બરાબર મિક્સ કરી લો. જેથી મરચાં પર બધું બરાબર કોટ થઈ જાય.

હવે આમાં લીંબુ નો રસ ઉમેરી બરાબર મિકસ કરી લો. હવે આ મરચાં ને ૧૦ થી ૧૨ કલાક બહાર જ ઢાંકી ને રહેવા દો. (આવું કરવાથી મરચાં સોફ્ટ થશે ને બધા મરચાં માં મસાલો બરાબર ચઢી જસે) ત્યાર બાદ તેને આ ૧૨ કલાક ની વચ્ચે વચ્ચે હલાવતા રહેવું. હવે આ આથેલા મરચાં ને એર ટાઈટ ડબ્બા માં સ્ટોર કરી ફ્રીઝ માં મૂકી દો. આ મરચા બે દિવસ માં એકદમ સોફ્ટ થઈ ને અથાઇ જસે.

હવે આપણા વઢવાણી લીલા મરચાં નું અથાણું તૈયાર છે સર્વ કરવા માટે. આ મરચાં ના અથાણાં ને તમે કોઈ પણ ડીશ સાથે સર્વ કરી શકો છો.