सर्वप्रथम 3 कप बासमती राइस स्वच्छ धुवून अर्धा तास भिजू घालावे. आलू, कोबी, मटार, गाजर, बीन्स आणि शिमला मिरची चोप करून घ्यावी. त्यानंतर एका बाउल मध्ये दही घ्यावे. त्यामध्ये 1 टेबलस्पून तिखट, धने पावडर, जीरे पावडर, बिर्याणी मसाला, थोडी हळद व मीठ घालून मिक्स करावे व त्यामध्ये सर्व भाज्या मिक्स करून ते मॅरीनेट करायला अर्धा तास ठेवावे.

एका कढईमधये तेल गरम करावे. त्यात बारीक चिरलेला कांदा टाकावा. कांदा छान परतला गेला की आले लसूण पेस्ट घालावी व परतून घ्यावे. नंतर त्यात हळद, तिखट, जीरे पूड, धने पूड, बिर्याणी मसाला, मीठ मिसळावे व त्यात पुदिना चे पाने हाताने बारीक करून टाकावे व ते छान परतून घ्यावे. बारीक चिरलेले टोमॅटो घालावा, टोमॅटो होत आला की त्यात मॅरीनेट केलेल्या व्हेजिटेबल मिक्स करून ते परतावे..

दुसऱ्या गॅस वर पाणी गरम करावे. त्यात तूप, लवंग, विलायाची, तमालपत्र व बासमती राइस घालून 4 ते 5 मिनिटे कुक होवू द्यावा. 5 मिनिटानंतर पाणी ड्रेन करून राइस एका चाळणीत ठेवावा. व व्हेजिटेल थोडया कूक झाल्या की त्यात राइस घालावा. नंतर आपल्या बिर्याणी ला छान कलर व चव येण्यासाठी त्यात केशर चे पाणी व बरिक चिरलेली कोथिंबीर घालून झाकण ठेवावे.

10 ते 15 मिन बिर्याणी कमी गॅस वर शिजु द्यावी.. बिर्याणी होत आली की त्याचा सुगंध येईल. गरमा गरम बिर्याणी खायला तयार..