आदल्या रात्री अर्धा कप साबुदाणा १-२ वेळा पाण्याने धुवून पाण्यात भिजवून ठेवला. किंचित मीठ सुद्धा पाण्यात टाकलं.
साबुदाणा चांगला आठेक तास पाण्यात भिजवून ठेवला की त्याचा कोणताही पदार्थ बनवा, परफेक्ट झालाच पाहिजे.
दुसऱ्या दिवशी साबुदाणे छान टमटमीत फुगून वाटीभर होतात.

एका भांड्यात अर्धा कप पाणी उकळायला ठेवलं. एक उकळी आली की त्यात पाव लिटर दुध ऍड केलं. दूध उतू जाऊ नये म्हणून एकसारखं ढवळत राहावं लागतं, म्हणजे थोड्या वेळात ते आटायला सुरुवात होते.

२-३ उकळी येऊन गेल्या की ५-६ केशर चे दांडे टाकायचे म्हणजे दुधाला छान पिवळसर केशरी रंग चढायला सुरुवात होते.
आता एखाद उकळीनंतर अर्धा कप साखर किंवा आपल्या आवडीप्रमाणे जेवढं गोड हवं तेवढी साखर ऍड करावी. साखर विरघळली की पाणी निथळून भिजवून ठेवलेलं साबुदाणे ऍड करायचे. अर्धा सुका मेवा या मिश्रणात घालायचा आणि मिश्रण चांगलं एकजीव होऊन थोडंस आटले की गॅस बंद करून थंड करत ठेवायचे. साबुदाणा खीर तयार.

आता ही खीर तुम्ही रूम temperature ला आलेली खाऊ शकता किंवा फ्रीज मध्ये ठेवून थंड करून, उरलेल्या सुक्या मेव्याने garnish करून जेवणानंतर च dessert म्हणूनही एन्जॉय करू शकता 😊🤤

#fr #साबुदाणा खीर
~ सुप्रिया घुडे