સૌ પ્રથમ ભીંડા ને ધોઇ, કોરા કરી ને આગળ, પાછળ થી ડીનટા કાપી ને વચ્ચે નાં ભાગ માં એક કાપો એવી રીતે મૂકો કે જેથી તેમાં સ્ટફિંગ ભરી શકાય.

હવે એક બાઉલ માં ચણા નો લોટ, શેકેલ શીંગદાણા નો ભૂકો, હળદર, મરચું પાઉડર, ધાણાજીરું પાઉડર, ગરમ મસાલો, મીઠું, હિંગ અને ખાંડ બધું બરાબર મિક્સ કરો.

હવે તેમાં તેલ અને લીંબુ ઉમેરી બરાબર મિક્સ કરો. સ્ટફિંગ તૈયાર છે. ભીંડા ભરીયે. તેના માટે બતાવ્યું છે તે પ્રમાણે ભીંડાનો કાપા વાળો ભાગ ખોલી સ્ટફિંગ બરાબર હાથે થી દબાવી ને ભરીયે.

આ રીતે બધાં ભીંડા ભરાઈ જાય એટલે એક કડાઈમાં તેલ ગરમ કરો અને તેમાં ચપટી હિંગ ઉમેરી ભરેલા ભીંડા વઘારો.તેલ માં બરાબર મિક્સ કરો.

હવે તેમાં ૨ ચમચી મોળું દહીં ઉમેરો અને બરાબર મિક્સ કરો. ત્યાર બાદ તેને ઢાંકણ ઢાંકી તેની પર પાણી ની ઓજ મૂકી ૧૦-૧૨ મીનીટ ચઢવા દો. ધીમા તાપે રાખવું.

હવે ૫ મીનીટ પછી એક વખત શાક ને ખોલી ને ઉપર નીચે કરી લો અને ફરી ઢાંકી ને ચઢવા દો.૧૦-૧૨ મીનીટ પછી ખોલી ને જોશો તો ખ્યાલ આવશે કે શાક નો કલર બદલાય ગયો છે અને ચમચા માં લઇ તેને દબાવીએ તો ભીંડા સોફ્ટ થઈ ગયા છે.શાક માં રહેલું તેલ પણ છૂટું પડેલું દેખાય છે.

તો હવે આ તૈયાર થયેલ ગરમા ગરમ શાક ને મેં સર્વ કર્યું છે.... આશા છે આપને આ રેસિપી ગમશે..