मिश्रण चांगले लालसर भाजून झाल्यावर त्यामध्ये हळद व कोळी मसाला घालावा. हे सगळे मिश्रण चांगले दोन मिनिटं परतून घ्यावे त्याला तेल सुटल्यावर,त्यामध्ये आपण स्वच्छ धुतलेले मटण घालावे व मटण एकत्र चांगले मसाल्यामध्ये परतून घ्यावे.

मटण चांगले परतून झाल्यावर त्या भांड्यावर एक ताट ठेवून त्यामध्ये पाणी ठेवावे. हे मिश्रण आहे आपण 10 मिनिटे ठेवावे. मग आपण ते ताठ बाजूला करून बघितल्यावर मटणामध्ये थोडे पाणी सुटलेले असेल मग त्या मटणाच्या वर ठेवलेले पाणी जे होते ते घालावे व मीठ घालावे हे सर्व एकजीव करून परत आपण त्या भांड्यावर ताट ठेवून पाणी ठेवावे.

मटण आर्धे शिजवून झाल्यावर त्यामध्ये बटाटे घालावे व मटण पुर्णपणे शिजेपर्यंत ते ठेवावे. मटण शिजल्यावर त्यामध्ये गरम मसाला व आपण तयार केलेले कांदा खोबर्‍याचे वाटण घालावे. ह्याचा वास मोडेपर्यंत आणि आपल्याला पाहिजे असलेले ग्रेव्ही होईपर्यंत आपण त्याला शिजून द्यावे. अशाप्रकारे हे मटण तयार झाले. हे आपण भाकरी, चपाती किंवा भाताबरोबर खाऊ शकतो.