सर्वप्रथम मटण छान धूवून घेऊ व त्याला आले लसूण पेस्ट लावून मॅरीनेट करुण घ्यावें. आता कापलेला कांदा छान भाजून घ्यावे.खोबरे काप ही भाजून घ्यावे आणि त्यात लसूण पाकळ्या, आले, धने पावडर गरम मसाला, खोबरे काप, लाल तिखट, इ. सर्व घालुन मसाला वाटून घ्यावा.

आता चुलीवर एका कढईत तेल तापवून त्यात जीरे घालावे. आणि त्यात मटण घालावे व शिजू द्यावे. थोडी हळद घालावी नंतर पाणी घालून झाकण ठेवून शिजवून घ्यावे.30मि. मटण शिजायला थोडा वेळ लागतो. आता एका कढईत तूप गरम करून त्यात वाटलेला मसाला घालुन परतावे आणि मसाला छान शिजू द्यावा. कोल्हापुरी मटण मसाला घालावा.

चवीनुसार मीठ घालून उकडी येवू द्या, छान शिजू द्यावे. मस्त गरमा गरम कोल्हापुरी झणझणीत चुलीवरचे मटण तांबडा रस्सा तयार आहे... वरून बारीक चिरलेली कोथिंबीर घालून सर्व्ह करा.