#fdr
मला फ्रेंडशीप डे निमित्त सगळ्यांशी ओळख करुन द्यायला आवडेल माझी जीवाभावाची मैत्रिण सौ.वैदेही हिची🤗
प्रेम जसं कुणावरही करावं...तशी मैत्री कुणाशीही करावी!मैत्रीला वयाचं बंधन नसते.नात्यातही मैत्री असतेच.माझ्या सहवासात असलेल्या प्रत्येकाचे माझ्याशी मैत्र जमले आहे.सौ. वैदेही ही माझी सून आहे!!...आश्चर्य वाटलं ना?सुनेशी मैत्री??...हो..हो..अगदीच जमू शकते हं!
पाच वर्षापूर्वी आमच्या घरात आली आणि सासू-सुनेचं नातं कधी गळून पडलं आणि मैत्री झाली हे आम्हालाही कळलं नाही.मला तिचे स्पष्ट आणि पारदर्शी विचार आवडतात.दुसरी अगदी मैत्री होण्याचं समान कारण म्हणजे खवय्येगिरी!!एक तर तिचे टेस्टबड्स फारच सेन्सिटिव्ह आणि डेव्हलप्ड आहेत.त्यामुळे मी करते त्या पदार्थाची टेस्ट व काही कमी जास्त असेल तर लगेचच मला प्रतिक्रिया मिळते.तसंच तिचं पदार्थ करणंही खूप छान आहे.हाताला चव आहे.पदार्थ करण्याचीही आवड आहे.अत्यंत टापटीप आणि नियोजनबद्ध स्वयंपाकाचे तिचे संस्कार आहेत.माहेर कुळाचार,कुळधर्म पाळणारे,तीही भरपूर गोतावळ्यात वाढलेली,धार्मिक व आधुनिकतेची आवड समानपणे जपणारी असल्याने आम्ही दिलखुलासपणे आणि मज्जेने स्वयंपाक घरात वावरत असतो.भरभरुन दाद देण्याच्या वृत्तीमुळे सगळे कुकींग आनंदाने होते.स्वयंपाकात विविध उपकरणे वापरणे आणि सोशल मिडीयाचा योग्य तो वापर,नाविन्याची आवड याने ती खूपच अद्ययावत असते.मग मलाही चार नव्या गोष्टी शिकायला मिळतात!आणि माझ्याबद्द्ल तिलाही खूप आदर व प्रेम आहे.मैत्रीला आणखी काय हवे?....
इडली हा तिचा वीकपॉइंट!त्यामुळे आजच्या फ्रेंडशीप दिवसानिमित्त तिच्यासाठी खास "इडली-चटणी-सांबार"चा बेत....तिच्या आवडीचा!!👍😋😋
सगळ्या मैत्रिणींना मैत्रीदिनाच्या खूप खूप शुभेच्छा🙏🌹😍