#pcr #प्रेशर_कुकर_रेसिपीज #भरली_तोंडली प्रेशर कुकर,प्रेशर पॅन ...आजच्या गृहिणींचा उजवा हातच म्हणाना... इंधन आणि वेळ वाचवून अन्न शिजवण्यासाठी तसंच घाईगर्दीच्या वेळेस वेळेत स्वयंपाक करण्यासाठी प्रेशर कुकर हे वरदानच आहे..असं म्हटलं तर ते वावगं ठरणार नाही..जेव्हा आपण पातेले किंवा अन्य उघड्या भांड्यात अन्न शिजवतो, तेव्हा वाफ बाहेर जाऊन अन्न शिजण्यास वेळ लागतो. परंतु जर ते प्रेशर कुकरमध्ये शिजवले, तर वाफेच्या दाबामुळे अन्न लवकर शिजण्यास मदत होते.आणि ते ही काही मिनिटातच..दुसरं म्हणजे तो पदार्थ शिजताना सारखं बघायला लागत नाही..एकदाच सगळे मसाले ,पाणी घातलं की निश्चिंती..शिट्ट्या झाल्या की गॅस बंद करा..काही मिनिटांत पदार्थ तयार.. चला तर मग आज आपण प्रेशर कुकरमध्ये झटपट होणारी चविष्ट चवदार भरली तोंडली कशी करायची ते पाहूया..

#shr#श्रावण स्पेशल रेसिपीश्रावण महिन्यात गणपती च्या दिवसात आवर्जून केली जाते ती लाल भोपळ्याची भाजी.नावडतीच्या भाजांमधील एक भाजी म्हणजे लाल भोपळा. अनेक ठिकाणी याला डांगर किंवा तांबडा भोपळा असं म्हणतात. ही भाजी शरीरासाठी गुणकारी असून त्याचे अनेक फायदे आहेत.म्हणून या भाजी चा आहारात नक्की समावेश करावा.

#श्रावण_स्पेशल_cooksnap_challenge#श्रावण_स्पेशल_भाजी#दोडक्याची_भाजी पावसाळ्यात पिकणार्या भाज्यांपैकी एक प्रमुख भाजी म्हणजे दोडका. ही भाजी बहुतेक जणांची दोडकी आहे.. काय म्हणताय ..कळलं नाही.. अहो आपण नाही का लाडकं ..दोडकं म्हणतो..म्हणजे आवडतं..नावडतं...हो हो ..तेच ते..दोडकं म्हणजेच नावडतं..दोडका भाजी म्हटल्यावर तोंड वाकडं होणारच बहुतेकांचे..हम्म्..म्हटलंच आहे ना ..नावडतीचं मीठ अळणी ...आता दोडका नावडता म्हणून त्याच्या गुणांकडे पण सर्रास दुर्लक्ष केले जाते..दोडका ही भाजी पचायला हलकी,पथ्याची आहे..फँट्सचे प्रमाण खूप कमी आणि कँलरीज तर जवळपास नसतातच..यकृताच्या आरोग्यासाठी, रक्तदाब आटोक्यातठेवण्यासाठी,मधुमेहींना,मलावरोध,अग्निमांद्य,पोट फुगणं,कफ,खोकला,कृमी,या विकारांमध्ये अत्यंत उपयुक्त भाजी आहे..आता एवढे गुण वाचल्यावर करणार ना दोडक्याशी मैत्री..😍मैत्रीचा हात पुढे कराच..😀सच्च्या मित्रासारखी कायम साथ करेल आपल्याला ही दोडक्याची भाजी..😍 आज मी माझी मैत्रिण @pradnya_dp हिने केलेली दोडक्याची भाजी थोडा बदल हिरवी मिरची ,आलं घालून cooksnap केली आहे..प्रज्ञा,खूप मस्त झालीये भाजी..मला खूप आवडली..😋....Thank you so much dear for this tasty recipe..🌹❤️

#ngnr#श्रावण_शेफ_वीक4_चँलेंज#उपवासाची _बटाटा_भाजी अत्यंत खमंग चमचमीत आणि सर्वांना आवडणारी उपवासाची बटाटा भाजी.. अत्यंत सात्विक,सोपी,चवदार, चविष्ट अशी ही भाजी आज आपण करु या..

#CookpadTurns4 #Cook_with_Fruit गौरी गणपती,नवरात्र,कुळधर्म,कुळाचाराच्या नैवेद्याच्या स्वयंपाकात ,लग्नाकार्यात हमखास केले जाणारे पारंपारिक खमंग, चटपटीत,रुचकर ,आंबट गोड असे हे पंचामृत...ताटातील डावी बाजू...😋आमच्याकडे यात पेरुच्या फोडी घालून त्या शिजवून पंचामृताची चव,गोडी वाढवणारे पेरुचे पंचामृत केले जाते..खास गौरींच्या नैवेद्यासाठी,नवरात्राच्या पारण्याच्या नैवेद्यात हमखास याची हजेरी असते..कारण नैवेद्याचे ताट षड्रसयुक्त असावे हेच आपली परंपरा सांगते..कारण या षडरसांमुळेच आपल्या शरीराचे भरण पोषण होते..या नैवेद्याचे ताट वाढायची पण खास पद्धत आहे..तसेच देवाला नैवेद्य दाखवून झाल्यावर तो एका विशिष्ट क्रमानेच ग्रहण करावा असं शास्त्र सांगतं..यात पाचक रस निर्मितीचा आणि मग त्यामुळे या अन्नाचा शरीराला पूर्ण उपयोग व्हावा ही महत्त्वाची भावना आहे. मी थोडक्यात सांगते..प्रथम नैवेद्यामध्ये वाढलेली खीर पुरण खावी. नंतर वरण भात किंवा आमटी भात खावा..नंतर येते पोळी भाज्या ‌.अधूनमधून चटणी,लोणचं, कोशिंबीर,रायती,पंचामृत,कढी,तळणीचे पदार्थांचा आस्वाद घ्यावा..गोडाचे इतर पदार्थ खावेत..सर्वात शेवटी परत ताक भात,दही भात खावा..ताकामुळे सगळे जेवण पचण्यास मदत होते‌‌..आणि जेवण झाले की विड्याचे पान खावे..म्अहणजे हमखास जेवण पचून ते अंगी लागणार..तर असा हा क्रम आज विषयाच्या ओघात सांगितलाय.. चला तर मग चटपटीत पेरुचे पंचामृत कसे करायचे ते बघू या...

#shr#श्रावण_शेफ_वीकweek3#श्रावण_स्पेशल_रेसिपीज_चॅलेंज..#लाल_भोपळ्याचे_भरीत.. श्रावणातील नैवेद्यांमध्ये पानाची डावी बाजू पण तितकीच महत्त्वाची.. वेगवेगळ्या कोशिंबिरी ,भरीत, रायते ,पंचामृत ,ठेचे असे वेगवेगळे प्रकार आपण त्यानिमित्ताने करत असतो. आणि मग जेवणाची लज्जत या खमंग प्रकारांनी आणखीनच वाढते. चला तर मग आपण आज लाल भोपळ्याच साधे सोपे पण चटपटीत आणि खमंग भरीत कसे करायचे ते पाहू..😋

#skm तोंडली आरोग्यासाठी खुपच फायदेशीर आहे. त्यात मोठ्या प्रमाणात फायबर असते. तोंडलीच्या सेवनाने पचनशक्ती सुधारते. लिव्हरच्या समस्यावर गुणकारी, जीवनसत्व मोठ्या प्रमाणात मिळतात. एसिडिटीची समस्या दूर होते. वजन कमी करण्यासाठी फायदेशीर, उच्चरक्तदाब व मधुमेही लोकांसाठी फायदेशीर, ताप व घशाच्या समस्यावर गुणकारी अशा बहुगुणी तोंडलीची भाजी रेसिपी चला तर आपण बघुया

#Trending_recipe कोबी..पत्ताकोबी..जगभरातील किचन मधला हुकमाचा एक्का...या भाजीचे वेगवेगळ्या पद्धतीने केलेले variations आपल्याला बघायला मिळतात...एवढेच नव्हे तर संपूर्ण भारतात ही भाजी वेगवेगळ्या पद्धतीने केली जाते..अर्थातच त्यामुळे आपण या एकाच भाजीच्या विविध स्वाद,विविध चवी चाखू शकतो..त्यातीलच चणाडाळ घालून केलेली कोबीची भाजी माझी अतिशय आवडीची..चला तर मग या सोप्या,झटपट,बिना कांदालसणाच्या पण अतिशय खमंग अशा कोबीच्या भाजीच्या रेसिपीकडे..😋😋

#dr #दाल_रेसिपीज #फोडणीचे वरण भारतीय आहारसंस्कृती मध्ये तूरडाळ,मूगडाळ,उडीदडाळ,मसूरडाळ अशा कितीतरी डाळी आणि कडधान्ये यांचा समावेश आहे.या डाळी आणि कडधान्ये म्हणजे protein चे power house ...शाकाहारी लोकांसाठी वरदानच..आपल्या रोजच्या चौरस आहारातील महत्त्वाचा घटक..या डाळींपासून चरचरीत फोडण्या देऊन केलेल्या सरीसरीत आमट्या ,वरण म्हणजे जेवणातला कोरडा घास टाळण्याचा खमंग उपाय..नुसत्या वासानेच क्षुधा प्रदीप्त होते..आणि या सात्विक जेवणाचे चार घास जास्त जातात पोटात..चला तर मग खमंग फोडणीचे वरण कसे करतात ते पाहू या..

#shr#श्रावण_शेफ_वीक3_चँलेंज#श्रावण_स्पेशल_रेसिपीज_चँलेंज#घोसाळ्याची_भाजी.. पावसाळ्यात श्रावणात हमखास बाजारात दिसणारे भाज्यांपैकी घोसाळे ही वेलवर्गीय भाजी. बहुतेक करून घोसाळ्याची भजीच जास्त केली जाते.. पण मी घोसाळ्याची चणा डाळ किंवा मुगाची डाळ घालून भाजी देखील करते .अतिशय चविष्ट होते ही भाजी. आपल्या शरीरास अतिशय उपयुक्त आणि औषधी गुणधर्म असलेली ही घोसाळ्याची भाजी कशी करायची ते आपण पाहूया

#श्रावण_स्पेशल_cooksnap_challenge#shr#cooksnap_challenge#खमंग_काकडी..🥒🥒 चातुर्मास सुरु झाला की उपास तापास, व्रत वैकल्ये ,बहुतेक सगळे सण ,देवधर्म,कुळाचार यांची नुसती रेलचेल असते...पावसाबरोबरच या सार्या परंपरा आपण उत्साहात साजर्या करतो..घरादारात,वातावरणात चहुकडे चैतन्य सळसळत असते..आणि हेच चैतन्य आपल्या तनामनाचा कब्जा घेते..आपल्यावर गारुड करते..आणि आपल्याला positivity देते..म्हणून कितीही नाही म्हटले तरी दरवर्षी आपण आपल्या या परंपरांचा, संस्कृतीचा,उत्सवांचा अविभाज्य घटक बनून आनंद लुटतो..आणि हा आनंद आपण आपल्या खाद्यजीवनातही उतरवतो..मग हेच आपले comfort food आपली comfort level वाढवते..आणि आपण सुखावतो..असाच एक पदार्थ म्हणजे खमंग काकडी...या नावातच इतका खमंगपणा आहे की चवीच्या बाबतीत बोलायचीच सोय नाही..इतकी चविष्ट आणि रुचकर...म्हणूनच या कोशिंबीरीला खमंग काकडी हे नांव पडले असावे... आज मी माझी मैत्रिण @shital_lifestyle हिची खमंग काकडी ही रेसिपी cooksnapकेलीये..शितल,खूप मस्त खमंग झालीये ही कोशिंबीर..😋😍.. Thank you so much Shital for this delicious recipe🌹❤️

#HLR "सात्विक तोंडली"

#cpm5#Week5#वांगी_बटाटा_रस्सा_भाजी.. अतिशय चमचमीत अशी वांगी बटाटा भाजीचे घराघरात स्थान अबाधित आहे..एवढेच नव्हे तर लग्नकार्यात,उत्सवांमध्ये,अन्नदानाच्या प्रसादामध्ये ही भाजी आवर्जून केली जाते.. करायला अतिशय सोपी, सुटसुटीत अशी ही भाजी आज आपण करु या..

#skm माझी तोंडल्याची आठवण म्हणजे माझ्या आजोळी फक्त एकाच ठिकाणी तोंडल्याचा वेल होता. आणि तोही कडूलिंबाच्या झाडा वरती चढलेला होता म्हणजे तोंडली खायचे असतील तर त्या झाडावर चढून तोंडली काढावी लागे म्हणजे एवढे कष्ट करून मिळणारी तोंडली भारीच लागत. अजूनही काही ठिकाणी तोंडल्याची भाजी करतात हेच माहित नाही. तोंडली आपले पाचन तंत्र व्यवस्थित ठेवते ते रेचक गुणधर्माचे असून त्यातील फायबर मुळे कॉन्स्टिपेशन होत नाही. डायबिटीस मध्ये सुद्धा हे खूप गुणकारी आहे . तसेच यामध्ये आयर्न आणि कॅल्शियम सुद्धा जास्त प्रमाणात असते त्यामुळे रक्तातील हिमोग्लोबिन चे प्रमाण वाढवण्यासाठी सुद्धा हे फायदेशीर आहे .शरीरातील अनावश्यक चरबी कमी होऊन वजन कमी होण्यासाठी सुद्धा उपयोगी आहे. चला तर मग पाहूया या तोंडल्याची रेसिपी

#डिनर#cooksnapसाप्ताहिक डिनर प्लॅनरशनिवार - भोपळ्याची भाजीआज मी,माझी मैत्रिण आणि ताई भाग्यश्री ताईची लाल भोपळ्याची भाजी कुकस्नॅप केली आहे.खूप चविष्ट आणि टेस्टी झाली भाजी.घरी सर्वांना खूप आवडली ..😊Thank you so much dear tai for this delicious recipe..❤️❤️🌹🌹

तोंडल्याची भाजी आमच्याकडे आवडते आणि आवर्जुन केली जातेही.कधी काचऱ्या तर कधी उभी चिरून परतलेली.तर कधी रस्सा.तोंडली भात आणि मसालेभातातही तोंडली मस्तच लागतात.गावाकडे परसदारी पूर्वी घरोघरी भाज्या लावलेल्या असत.अक्षय्यतृतीयेला परसदारी कारली,तोंडली,घेवडा अशा चटकन येणाऱ्या भाज्या चविष्ट, ताज्याही मिळायच्या.भरपूर खनिजांनी युक्त आणि पचनशक्ती सुधारणारी ही भाजी.पोट भरल्याची भावना देणारी ही भाजी नेहमीच आहारात असावी.

#डिनर #साप्ताहिक डिनर प्लँनर #शनिवार की वर्ड-- भोपळा भाजी भोपळा म्हटला की माझ्यासमोर दुधीभोपळा ऐवजी नेहमी लाल भोपळाच येतो.. याला कारण की आपली लहानपणीची चल रे भोपळ्या टुणुक टुणुक ची गोष्ट. या गोष्टीने मनात घर करून ठेवले आहे .गोष्टी मधली म्हातारी लेकीकडे जाऊन तूप रोटी खाऊन चांगली जाडजूड होऊन परत यायला निघते तिच मुळी लाल भोपळ्यात बसून.. तर अशा ह्या लाल भोपळ्याने म्हातारीचे वाघ आणि कोल्ह्यापासून रक्षण केले होते. आपल्या डोळ्यांची दृष्टी सुधारणे वजन कमी करणे ते डायबिटीस लो बीपी कॅन्सर यासारख्या असाध्य रोगांंपासून म्हणजेच या जंगली भयानक आजारांपासून लाल भोपळा आपले देखील रक्षण करतो. त्यामुळे लाल भोपळा आपण खाणे मस्टच. कोणी लाल भोपळ्याची भाजी करून खा आणि सांबार करा कोणी भरीत करा कोणी घारगे करा कोणी खीर करा पण काहीतरी करून लाल भोपळा पोटात जाऊद्या आणि मुलांना पण खायला द्या कारण मुलांना खाण्याच्या सवयी लहानपणापासूनच लावल्या पाहिजेत नाहीतर मोठेपणी ते खवय्यै कसे होणार .आपल्या खाद्यसंस्कृतीचा आनंद कसा लुटणार यासाठी लहान वयातच खाद्य संस्कार होणे महत्त्वाचे आहे. चवीनं खाणार त्याला देव देणार असं म्हटलेलं आहे ..म्हणून पु लं म्हणतात तसे खाण्यासाठी खाणारा तो खवैय्या कसला... कारण शेवटी खाण्यासाठी जन्म आपुला आणि या खाण्यावर शतदा प्रेम करावे अशाच एक एक खमंग पाककृती..चला तर आपण आज लाल भोपळ्याची मेथीदाणा घालून केलेली खमंग भाजी पाहूया आणि खाऊ या..😋

#KS4 #खान्देश_रेसिपीज #कच्च्या केळ्याची भाजी.. खान्देशात केळीचे भरपूर पीक येत असल्यामुळे केळी विविध प्रकारे आहारात वापरतात जेणेकरून केळी वाया न जाता त्यांचा पूरेपूर वापर व्हावा.अन्न हे पूर्णब्रह्म मानणारे आपण ...मग भाजीच्या स्वरुपात केळ्याचा उपयोग करुन आहारात समावेश करतो..कधी उपवासाची भाजी करतात तर कधी नेहमीची बिनउपवासाची चमचमीत भाजी केली जाते..तर अशी ही खाद्यसंस्कृतीतील विविधता आपलं खाद्यजीवन समृद्ध करतात..आणि त्या विविध चवी चाखून जो आनंद मिळतो..तेव्हां म्हणावेसे वाटते..खाण्यासाठी जन्म आपुला..😍😋केळीच्या बागा मामाच्यापिवळ्या घडांनी वाकायच्या.मामा आमचा प्रेमाचाघडावर घड धाडायचा.आक्का मोठी हौसेचीभरपूर केळी सोलायची.आत्या मोठ्या हाताचीतिनेच साखर लोटायची.आजी आमची मायेचीसायच साय ओतायची.ताई नीटस कामाचीजपून शिकरण ढवळायची.आई आग्रह करायचीपुरे पुरे तरि वाढायची.वाटिवर वाटी संपवायचीमामाला ढेकर पोचवायचीतर मग चमचमीत चटपटीत रेसिपी कडे..

#gur#वाटली_डाळ...😋😋 गणपती विसर्जनाच्या दिवशी खिरापत म्हणून तसेच बाप्पा बरोबर शिदोरी देण्यासाठी करण्यात येणारा वाटली डाळ हा अतिशय खमंग चमचमीत असा नैवेद्याचा प्रकार आहे आणि तो घरोघरी आवर्जून केला जातो ..गणपती विसर्जनाच्या दिवशी संध्याकाळच्या वेळी घराघरातून या वाटल्या डाळीचा खमंग सुवास सगळीकडे दरवळत असतो..चला तर मग खिरापतीचा हा प्रकार पाहू या..

#gur#गणेशोत्सव_स्पेशल_रेसिपी_चँलेंज#कटाची आमटी..😋😍 ... पुरणपोळीचा बेत असला की खमंग रुचकर चवदार चविष्ट कटाची आमटी ही झालीच पाहिजे असा अलिखित नियम असतो आणि तो सर्व घरांमध्ये अगदी अदबीने पाळला जातो 😍आणि देवाला नैवेद्य दाखवून झाला की भात आणि कटाची आमटी ,पुरणपोळी आणि कटाची आमटी यावर मनसोक्त ताव मारला जातो, या कटाच्या आमटी मध्ये मी कांदा-लसूण घालत नाही. अप्रतिम अशा आंबट गोड अशा स्वर्गीय चवीची कटाची आमटी आज कशी करायची ते आपण पाहूया..

#GA4 #Week26 की वर्ड-- point guard परवल ही तोंडली वर्गातील फळभाजी..साधारणपणे उन्हाळ्यात मिळणारी ही भाजी..उत्तम antioxidant,डायबिटीस साठी वरदान,diatary fibres भरपूर,त्वचेसाठी उपकारक, भूकवर्धक,रोगप्रतिकारक शक्ती ची वाढ,कँल्शियम,मँग्नेशियम,व्हिटॅमिन्सचा स्त्रोत असलेले हे परवल आपल्या आहारात असायलाच हवा... हा आपला परवलीचा शब्द बनवू या..

#लंच #साप्ताहिक लंच प्लॅनर #मंगळवार अटक मटक चवळी चटक चवळी लागली गोड गोड जिभेला आला फोड फोड जिभेचा फोड फुटेना घरचा पाहुणा उठेना..लहानपणी या बडबड गीतातूनच आपल्याला चवळीची ओळख होते..मानवाने तर दोन हजार वर्षांपासूनच चवळीची लागवड, मशागत करायला सुरुवात केलीये..मी वाचले तेव्हां विश्वासच बसला नाही माझा.. अतिशय गुणकारी असे हे कडधान्य शरीराला Protein,Calcium चा मुबलक पुरवठा करणारे त्यामुळे लहानांपासून वृद्धांपर्यंत सगळ्यांनाच यांचा पूरेपूर फायदा..गरोदर स्त्रियांपासून ते वजन कमी करण्यासाठी नेटाने प्रयत्न करणार्यांपर्यंत फायदाच प्रत्येकाला..वजन कमी करण्याच्या या चवळीच्या खासियतमुळेच की काय..एखाद्या शेलाट्या अंगाच्या स्त्रीला "चवळीची शेंग" अगदी अशी उपमा देत असावेत..अशी प्रत्येक कडधान्याची महती..चला तर मग आज आपण बिना कांदा लसणाची चवळीची उसळ करु या ...

#pe #बटाटा कीस उपवासाचा बटाटा ही परदेशी भाजी असून सुद्धा आपल्या व्रतवैकल्यांमध्ये, उपवासाच्या पदार्थांमध्ये बटाट्याचा असा काही समावेश झालाय की त्यामुळे ही भारतीय भाजी आहे असेच आपल्याला कायम वाटत असते..इतकी आपल्या खाद्यसंस्कृती मध्ये मिसळून गेलीये.. आपली खाद्यसंस्कृती आहेच महान..सगळ्यांना सामावून घेत असते.. सर्वसमावेशक..तर आज आपण उपवासाच्या पदार्थांमधला महत्वाचा आणि नेहमी केला जाणारा सर्वांच्याच आवडीचा बटाट्याचा कीस कसा करायचा ते पाहू या..

#रेसिपीबुक #week7कंटोळी हे पावसातून वेलीवरती येतात. यामध्ये प्रमाणात सर्वच विटामिन्स असतात. हे वजन कमी करण्यासाठी तसेच उच्चरक्तदाबासाठी गुणकारी आहे. तसेच ते ऑंटी अॅलर्जन व एनर्जीचा सर्दी, खोकल्यासाठीसुद्धा फायदेशीर आहे. तसेच नेत्ररोग, हृदयरोग व कर्करोग सोनार या रुग्णांसाठी सुद्धा अतिशय उपयुक्त ठरते.

#रताळ्याची_भाजी#cooksnap काल उत्पत्ती एकादशी... आळंदी येथे काल संतश्रेष्ठ ज्ञानेश्वर महाराजांचा 725 वा संजीवन समाधी सोहळा पार पडला..स्वतःच्या पदरात दुःख,अपमान पडत होते तरीही अवघ्या विश्वाच्या कल्याणासाठी पयासदान मागणारी ही माऊली..🙏🙏.. आई सारखं प्रेम,जिव्हाळा सकल जगतावर करणारे हे थोर संतश्रेष्ठ..म्हणून ती माऊलीच..🙏अशा या ज्ञानेश्वर माऊलींना कोटी कोटी प्रणाम..🙏🌹🙏 काल एकादशीच्या उपवासानिमित्त माझी मैत्रिण चारुशीला प्रभू@charu810 हिची मी रताळ्याची भाजीcooksnap केली.. चारु,खूप खमंग आणि चविष्ट झाली होती ही भाजी..Thank you so much dear for wonderful recipe👌🌹❤️@charu810 काल मी तुझी रताळ्याची भाजीcooksnap केली..खूप खमंग आणि चविष्ट झाली होती ही भाजी..Thank you so much dear for wonderful recipe👌🌹❤️

लाल भोपळा ही भाजी खूप गुणकारी आहे.आहारामध्ये याचा नेहमी समावेश करावा. साल न काढता भाजी केल्यास त्याचे खूप फायदे आहेत.

सात्विक भोजन” म्हणजे लसूण कांदा वर्जित भोजन होयसात्विक भोजन केल्याने “तम” गुण नाहिसे होतात असं देखील म्हटलं जात असतं.आपण नवेद्या ला कांदा लसूण न घालता भाजी करतो पण त्याची चव खूप चांगली असतेकधीकधी फार मसाले न घालता तिखट मीठ हळद घालून भाजी केली तरी छान लागतेमी तोंडलीची भाजी कांदा लसूण न घालता साध्या पद्धतीने केली आहे तर बघूया

#TGR संक्रांतीच्या एक दिवस अगोदर भोगी साजरी केली जाते हिवाळ्यात उपलब्ध होणाऱ्या सर्व भाज्यांचा समावेश या भाजीमध्ये असतो सर्व मिक्स केल्यामुळे त्याची चव अप्रतिम असते. थंडी असल्याकारणाने यात तीळकुटाचा वापर केला जातो जो उष्णता वाढवण्याचे काम करतात चला तर मग आज आपण भोगीची भाजी बनवण्यात या भाजीला लेकुरवाळी भाजी असेही म्हणतात

#skmसोप्पी चटपटीत तोंडली बटाटा भाजीची रेसिपी पुढीलप्रमाणे...

#msr #कर्टुल्यांची भाजी..जाईन विचारीत रानफुला...शांताबाई शेळक्यांच्या सिद्धहस्त लेखणीतून उतरलेलं हे भावगीत..त्याला स्वरसाज चढवलाय पं.ह्दयनाथ मंगेशकरांनी...आणि गानसरस्वती किशोरीताई आमोणकरांच्या शांत, आर्त आवाजातील हे गाणं म्हणजे त्रिवेणीसंगमच..🙏..गाण्याच्या पहिल्या ओळीतल्या *रानफुला * या शब्दातूनच तप्त धरित्रीवर पावसाने चहुबाजूंनी शिडकावा करत वसुंधरेला हिरव्या रंगाचा साज चढवलाय हे शांताबाईंच्या उत्तुंग प्रतिभेची साक्ष देतात.."नेमेचि येतो मग पावसाळा" या उक्तीप्रमाणे पावसाळ्याचे आगमन होताच डोंगरदर्या,रानावनातून,दाट जंगलांतून,पठारांवर(कास पठार),एवढंच नाही तर रस्त्याच्या दुतर्फा रंगेबिरंगी रानफुलांची मखमल चादरच जणू अंथरली जाते..तसंच सोबतीला दरवर्षी निसर्गतःच उगवणार्या विविध प्रकारच्या "हिरव्यागार रानभाज्या"...बरं या रानभाज्यांची,रानफुलांची कोणतीही मुद्दाम बी पेरुन लागवड होत नाही..ना त्यांना खतपाण्याचा ना कीटकनाशकांचा पुरवठा केला जातो..आपल्याच मनमस्तीमध्ये या रानभाज्या ,रानफुलं रुजतात आणि वाढतात..त्याचबरोबर या पावसाळ्यातील दुर्लक्षित रानभाज्या आपल्या शरीरासाठी विविध रोगांवर कित्येक पटींनी गुणकारी आणि औषधी असतात..तर असं हे आपल्याला नैसर्गिकरित्या प्राप्त झालेलं आरोग्यदायी दान..या दानाचा आपण जास्तीत जास्त स्वीकार करायलाच हवा..कर्जत,पळसदरी,बदलापूर,जव्हार,मोखाडा,विक्रमगड,वसई,विरार येथून आदिवासी स्त्री पुरुष रानोमाळी,जंगलांचा भाग अक्षरशः पिंजून काढून सापांचा,काट्याकुट्यांचा मुकाबला करत या रानभाज्या गोळा करुन विक्रीस आणतात..यातीलच एक सर्वांची आवडती हिरवीगार, बाहेरुन हाताला न लागणारे काटे असणारी रुचकर रानभाजी म्हणजे *कर्टुली किंवा कंटोळी*..आयुर्वेदात कंटोळी सर्वात ताकदवान भाजीमानतात