સૌ પ્રથમ મેથીની ભાજી અને કોથમીર ધોઈને કોરી કરી ઝીણી સમારી લો. ખલમાં ધાણા અને મરીને અધકચરા વાટી લો.

હવે એક બાઉલમાં ચણાનો લોટ લઇ તેમાં ક્રશ કરેલાં મરી અને ધાણા, વાટેલાં આદુ મરચાંની પેસ્ટ, ખાંડ, હીંગ, મીઠું, મેથીની ભાજી અને કોથમીર ઉમેરી સારીરીતે મિક્સ કરો.

મેથીની ભાજી ને લોટ તેમજ મસાલા સાથે મસળી તેમાંથી જે પાણી છુંટું પડે એનાથી જ ખીરૂ તૈયાર કરી લો. જરૂર પડે તો જ અડધો કપ જેટલું પાણી ઉમેરો.

હવે, એક કડાઇમાં તેલ ગરમ કરવા મૂકો. તેલ ગરમ થાય એટલે ખીરામાં ૨ ચમચી ગરમ તેલ, બેકીંગ સોડા અને તેની પર લીંબુનો રસ નાખી ખીરૂ મિક્સ કરી લો.

હવે, ગરમ તેલમાં નાની સાઈઝ ના ગોટા ઉતારી મીડીયમ આંચ પર તળી લો.

તો તૈયાર છે મેથીના ગોટા. લીલી, ગળી ચટણી, દહીં અથવા ચા સાથે ગરમા ગરમ સર્વ કરો.