સૌ પ્રથમ તુવેર ને 5-6 કલાક માટે હુંફાળા પાણી માં પલાડી દેવા. પછી તેને કુકર માં મીઠું ઉમેરી ને બાફી લેવા.

હવે એક કડાઇ માં તેલ ગરમ કરી તેમાં જીરુ અને હીંગ નો વઘાર કરી તેમાં કાદાં ઉમેરી સાંતળો. પછી તેમાં સમારેલું લસણ, આદુ ની પેસ્ટ, લીલા મરચાં ની પેસ્ટ નાખી 1મિનિટ સાંતળો. પછી તેમાં લીલા કાંદા નો સફેદ ભાગ અને લીલા લસણ નો સફેદ ભાગ ઉમેરી સાંતળો.

પછી તેમાં હળદર, લાલ મરચું પાઉડર, ધાણાજીરુ અને મીઠું ઉમેરી સાંતળી લેવું. પછી તેમાં ટામેટાં ઉમેરી સોફ્ટ થાય ત્યા સુધી સાંતળો.

પછી તેમાં લીલા કાંદા નો લીલો ભાગ, લીલા લસણ નો લીલો ભાગ અને કોથમીર ઉમેરી મિક્સ કરી લેવું અને પછી તેમાં બાફેલી તુવેર પાણી સાથે ઉમેરી બરોબર મિક્સ કરી લો.

પછી તેમાં થોડું ગરમ પાણી ઉમેરી બરોબર મિક્સ કરી લો. પછી તેમાં ગરમ મસાલો ઉમેરી મિક્સ કરી ઢાંકણું ઢાંકી 5-7 મિનિટ માટે ધીમા તાપે શાક ને ચડવા દેવું.

પછી તેમાં સમારેલી કોથમીર અને લસણ ઉમેરી બરોબર મિક્સ કરી ગરમાગરમ શેકેલા પાઉં, સલાડ અને પાપડ સાથે સર્વ કરો.