प्रथम एका भांड्यात कोबी आणि गाजर एकत्र घ्यावे नंतर त्यात बारीक चिरलेली कोथिंबीर, लाल तिखट, धने पावडर, किचन किंग मसाला, आले-लसुण-मिरची पेस्ट आणि चवीनुसार मीठ घालावे. हे मिश्रण एकसारखे ढवळावे.
या मिश्रणाला थोडेसे पाणी सुटेल तेव्हा यात कॉर्नफ्लोअर आणि मैदा समप्रमाणात घालावा.

कॉर्नफ्लोअर आणि मैदा यांचे प्रमाण गरजेनुसार कमी जास्त करावे. (काहीवेळा दिलेल्या प्रमाणापेक्षा हे जिन्नस जास्त लागू शकतात.) आता हे सर्व एकजीव मिसळून याचा एक गोळा करावा.
नंतर याचे छोटे छोटे चपटे गोळे करून तेलात कुरकुरीत होईपर्यंत तळून घ्यावेत.

आता ग्रेव्हीसाठी गॅसवर एका कढईत 2 tbs तेल घ्यावे. तेल गरम झाले की त्यात चिरलेला कांदा, लसुण पाकळ्या आणि बारीक चिरलेले आले घालून परतावे. कांदा सोनेरी होईपर्यंत परतावे नंतर त्यात चिरलेला टोमॅटो घालून परतावे. टोमॅटो काही मिनिटे परतला की त्यात तिळ, किसलेले सुके खोबरे आणि काजु घालून परत परतावे. सर्व पदार्थ व्यवस्थित परतले गेले की हे मिश्रण गार होण्यासाठी बाजूला ठेवावे.

आता हे मिश्रण गार झाले की ते एका मिक्सरच्या भांड्यात काढून त्याची smooth पेस्ट करून घ्यावी.

आता परत गॅसवर एका कढईत 1 tbs तेल घेऊन ते गरम झाल्यावर त्यात जीरे, सुक्या मिरच्या आणि कडीपत्त्याची पाने घालून काही सेकंद परतावे. नंतर त्यात मिक्सरमध्ये केलेली पेस्ट घालून ती पेस्ट परतावी. पेस्ट परतत असताना त्यात खवा घालावा आणि मिश्रणात एकजीव होइपर्यंत ढवळावा, आता मिश्रणात लाल तिखट, किचनकिंग मसाला, धने पावडर, जीरे पावडर आणि चवीनुसार मीठ घालून ढवळावे आणि ग्रेव्ही थोडीशी पातळ होईल एवढे पाणी घालून तिला झाकून काही मिनिटे मंद आचेवर ठेवावी.

आता ग्रेव्हीला छान उकळी फुटली की एका भांड्यात तयार केलेले वडे घालून त्यावर तयार ग्रेव्ही घालावी आणि आपल्या आवडीप्रमाणे सजवून गरमागरम रोटी/नान/पोळीसोबत सर्व्ह करावी.