கொழுக்கட்டை மாவு செய்ய பச்சரிசியை 4 _6 மணி நேரம் வரை ஊறவிடவும் பின் கழுவி தண்ணீரை வடிகட்டி மின்விசிறி அடியில் சுத்தமான மஸ்லின் துணியில் பரப்பி உலரவிடவும் கைகளில் தொடும் போது லேசாக ஈரம் இருக்க மிக்ஸியில் போட்டு பொடி செய்து கொள்ளவும் பின் ஒரு முறை ஜலித்து உலரவிடவும் பின் வெறும் வாணலியில் இரண்டு நிமிடம் வரை மெல்லிய தீயில் வறுக்கவும் மணல் மணலா இருக்கும் தொடும் போது இரண்டு நிமிடம் வரை வறுத்தால் போதும் நிறம் மாறாமல் வறுத்து எடுக்கவும் பின்ஆறவிட்டு ஸ்டோர் செய்யவும் ஒரு வருடம் வரை நன்றாக இருக்கும்

தண்ணீர் உடன் உப்பு நெய் விட்டு கொதிக்க விடவும் கொதித்ததும் சிறிது சிறிதாக மாவுடன் சேர்த்து சப்பாத்தி மாவு பதத்தில் பிசைந்து கொள்ளவும் மாவை காயாமல் ஈரத்துணி கொண்டு சுற்றி வைக்கவும்

பின் பிசைந்த மாவை சின்னச் சின்ன உருண்டைகளாக உருட்டி ஆவியில் 12 நிமிடங்கள் வரை வேகவிடவும் பாசிப்பருப்பை மலர வேகவிடவும்

வெல்லத்துடன் சிறிது தண்ணீர் சேர்த்து கொதிக்க விடவும் வெல்லம் கரைந்ததும் இறக்கி வடிகட்டி பின் மீண்டும் கொதிக்க விடவும் சற்று கொதித்து பளபளப்பாக வந்ததும் அரை கம்பி பாகு பதம் வந்ததும் வேகவைத்த பருப்பை தண்ணீர் வடிகட்டி சேர்க்கவும்

பின் தேங்காய் துருவல் சேர்த்து நன்கு கலந்து வேகவைத்த கொழுக்கட்டை சேர்த்து கலந்து கொள்ளவும் பின் ஏலத்தூள் சுக்குத் தூள் ஜாதிக்காய் பொடி சேர்த்து நன்கு கலந்து கொள்ளவும் பின் எல்லாம் சேர்ந்து பத்து நிமிடம் வரை நன்றாக கொதிக்க விடவும்

பின் திக்கான தேங்காய் பால் சேர்த்து நெய்யில் வறுத்த முந்திரி திராட்சை சேர்த்து இறக்கவும் தேங்காய் பால் சேர்த்த பிறகு கொதிக்க விட கூடாது