மேல் மாவு செய்ய: அரிசி மாவை வெறும் வாணலியில் 2_3 நிமிடங்கள் வரை வறுத்து எடுக்கவும் பின் தண்ணீர் உடன் உப்பு மற்றும் நெய் சேர்த்து கொதிக்க விடவும் கொதித்ததும் மாவுடன் சிறிது சிறிதாக சேர்த்து நன்கு கலந்து கொள்ளவும் பின் ஈரத்துணி கொண்டு மூடி வைக்கவும்

பூரணம் செய்ய: கடலைப்பருப்பை இரண்டு மணி நேரம் வரை ஊறவிடவும் பின் கழுவி தண்ணீரை வடிகட்டி வேறு தண்ணீர் ஊற்றி 85% வரை மட்டுமே வேகவிடவும் பின் தண்ணீரை வடிகட்டி ஆறவிடவும்

பின் கடலைப்பருப்பை மிக்ஸியில் போட்டு ஏலக்காய் மற்றும் தேங்காய் துருவல் சேர்த்து இரண்டு சுற்று சுற்றி எடுக்கவும்

பின் வெல்லத்துடன் சிறிது தண்ணீர் சேர்த்து கொதிக்க விட்டு வெல்லம் கரைந்ததும் இறக்கி வடிகட்டி பின் மீண்டும் கொதிக்க விடவும்

இளம் பாகு பதம் வந்ததும் அரைத்த கடலைப்பருப்பு விழுதை சேர்த்து நன்கு கெட்டியாக கிளறி பின் நெய் விட்டு நன்றாக கிளறி இறக்கி ஆறவிடவும்

பின் மாவை நன்கு பிசைந்து கொள்ளவும் பின் சற்று பெரிய உருண்டைகளாக உருட்டி வாழை இலையில் சிறிது எண்ணெய் அல்லது நெய் தடவி கொண்டு மாவை தட்டி நடுவில் பூரணம் வைத்து மடிக்கவும்

பின் ஆவியில் 8_12 நிமிடங்கள் வரை வேகவிடவும்